Një lajm i hidhur ka vjen sot nga komuna e Vrapçishtit, ku në një aksident tragjik në vendin e punës ka humbur jetën Imer Ameti nga Tetova, ish-pjesëtar i Ushtrisë Çlirimtare Kombëtare. Ngjarja e rëndë ndodhi në fshatin Gradec, ku gjatë angazhimit në një objekt ndërtimi, ish-luftëtari u godit fatalisht nga rrëzimi i një krani. Përkundër përpjekjeve, plagët e marra rezultuan të papërballueshme për të.
Author: Jeta almakos
Nga partia opozitare maqedonase LSDM thonë se, sipas informacioneve të fundit që kanë siguruar, Nikolla Gruevski tashmë posedon pasaporta hungareze dhe serbe. “Nëse i arratisuri nga drejtësia ka marrë pasaportë serbe dhe hungareze, atëherë është e qartë se pas kësaj qëndrojnë aleatët dhe mbrojtësit e tij politikë, Orban dhe Vuçiç – të cilët i konsiderojmë mentorë politikë të Mickoskit. Mosveprimi i qeverisë dhe refuzimi i vazhdueshëm për të dërguar një kërkesë të re për ekstradim tregon për një përpjekje të qëllimshme për t’i krijuar hapësirë dhe për ta mbrojtur Gruevskin”, thonë nga LSDM. Ata shtojnë se, ndërkohë që vende të…
Prej i vogël jam mësuar në rrethana multietnike, kemi luajtur nëpër xhami. Pasi përfundoi fakultetin, shkoi në Norvegji si pjesë e një nisme, ku ishin mbledhur njerëz nga ish-Jugosllavia për të diskutuar për kohërat e luftës. Këtu Aleksandar Petkovski e gjeti frymëzimin për të mësuar gjuhën shqipe. “Ndryshe nga shqiptarët të cilët kanë mbështetje institucionale, që ta mësosh gjuhën maqedonase në shkollën fillore, në shkollën e mesme, ne si maqedonas nuk kemi mundësi”, tha Aleksandar Petkovski, dekan i fakultetit juridik në UNT. Ju ku e mësuat? “Unë e kam mësuar në klasa private, kam shkuar 4 vite, në vitin 2001…
Ligji për arsimin e lartë do të dërgohet nesër në procedurë qeveritare, pasi kanë përfunduar edhe konsultimet e fundit mes Ministrisë së Arsimit dhe Shkencës dhe partnerit të koalicionit në Qeveri nga radhët e partive shqiptare – VLEN. Kështu njoftoi sot ministrja e Arsimit dhe Shkencës, Vesna Janevska. Sipas saj, në takimin me përfaqësuesit e VLEN-it janë diskutuar gjashtë pika lidhur me ligjin, prej të cilave pesë kanë qenë tashmë të trajtuara më herët dhe nuk kanë qenë kontestuese. Pika e fundit për të cilën u arrit sot marrëveshje, Janevska sqaroi se kishte të bënte me indeksin e Hirshovit. Ajo…
Bashkë me partnerët e qeverisë, arritëm marrëveshje për reformat e domosdoshme, për Miratimin e Ligjit për Arsimin e Lartë. Me këtë mbyllet epoka e formalizmit dhe vendoset meritokracia. H-indeksi largohet, vendet e punës mbrohen dhe krijohen mundësi për avancim të drejtë. Universitetet në gjuhën shqipe pozicionohen si të barabarta dhe konkurruese, ndërsa investimi në kampusin e Universitetit “Nënë Tereza” konfirmon qartë prioritetin tonë për arsim cilësor. Ky është vendim që shtyn përpara sistemin dhe garanton drejtësi për të gjithë.
Qindra policë kanë paditur Ministrinë e Punëve të Brendshme pasi kjo e fundit nuk ua ka paguar kompensimet për orët e punuara shtesë jashtë orarit në përputhje me marrëveshjen për punë siç u takon. Mbi një mijë padi janë dorëzuar vetëm në tre muajt e fundit, respektivisht në shkurt, mars dhe në 20 ditë të prillit. Siç na njoftuan nga Gjykata Civile, në muajin shkurt sipas të dhënave nga sistemi operativ AKMIS, e që përfshinë të gjitha gjykatat në RMV, në muajin shkurt janë dorëzuar 458 lëndë për kompensime të pa paguara. Në muajin mars janë regjistruar 506 ndërsa gjatë…
Në një intervistë për emisionin “360 gradë” në MRT1, ministri i Shëndetësisë, Azir Aliu, deklaroi se zgjedhja për mbajtjen e kongresit të parë të VLEN-it më 9 maj – Dita e Evropës, nuk është e rastësishme, por ka një simbolikë të qartë politike dhe vlerash, pasi, siç tha ai, VLEN e ndërton narrativën e saj si evropiane dhe ata janë politikanë pro-evropianë. Aliu njëkohësisht shprehu optimizëm se në një periudhë shumë të shkurtër do të shihen rezultatet e para lidhur me procesin e anëtarësimit të vendit në Bashkimin Evropian. Sipas tij, ministrat përkatës punojnë çdo ditë në këtë agjendë, ndërsa…
“Zëvendëskryeministri Arben Fetai nuk shkon në punë, as nuk merr pjesë në mbledhjet e Qeverisë”, deklaroi në intervistën për emisionin “360 gradë” në MRT1 ministri i Shëndetësisë, Azir Aliu. Ai në intervistë konfirmoi se në periudhën e fundit nuk ka komunikuar me kolegun e tij, zëvendëskryeministrin për politika të qeverisjes së mirë dhe transparencës, Arben Fetai, për shkak se “ai nuk është këtu” dhe “nuk vjen në mbledhjet e Qeverisë”, por tha se mungesa e tij nuk lidhet me probleme shëndetësore. I pyetur pse nuk merr pjesë në mbledhjet e Qeverisë, Aliu u shpreh se nuk e di dhe se…
Procesi i plotësimit të rrjetit diplomatik po hyn në fazën e tij përfundimtare, njoftoi Ministri i Jashtëm Timço Mucunski, duke theksuar se institucionet po punojnë intensivisht për të plotësuar pozicionet vakante ambasadoriale dhe konsullore në të gjithë botën. Sipas tij, disa nga kandidatët e propozuar tashmë kanë marrë miratim në një seancë qeveritare, ndërsa procedura e rregullt diplomatike është ende në vazhdim për pjesën tjetër. “Kërkesat për marrëveshje janë dërguar për të gjithë kandidatët. Përgjigjet janë marrë tashmë për disa prej tyre, ndërsa përgjigjet ende priten për të tjerët, gjë që është praktikë e zakonshme në marrëdhëniet ndërkombëtare”, tha Mucunski.…
Konsulli i nderit i Republikës së Shqipërisë në Manastir, sonte në emisionin “Debat në SHENJA”, u shpreh se Samiti i Diasporës i mbajtur në Tiranë përbën një prezantim pozitiv për shqiptarët kudo që jetojnë. Ai vlerësoi organizimin si tejet të suksesshëm, duke theksuar se samiti mblodhi përfaqësues të diasporës nga të gjitha trevat shqiptare, si dhe nga vendet e rajonit dhe më gjerë. Sipas tij, pjesëmarrje e veçantë u vu re nga mërgimtarët që prej dekadash jetojnë dhe veprojnë në Shtetet e Bashkuara të Amerikës, në vendet e Europës dhe në Australi. “Lirisht mund të them se ka qenë një…
Ministrja e Arsimit dhe Shkencës, Vesna Janevska, njoftoi se do të zhvillojë edhe një takim të fundit me grupet e interesit lidhur me Ligjin për Arsimin e Lartë. Ajo theksoi se, megjithëse drafti i ligjit është përmbyllur, është e rëndësishme të dëgjohen të gjitha palët që kanë kërkuar takim përpara se të vazhdohet me procedurat e mëtejshme. Sipas saj, ende ka kohë para se ligji të hyjë në procedurë parlamentare. Pas përfundimit të konsultimeve, ligji do të kalojë në procedurë qeveritare, ku fillimisht do të rishikohet nga sektori i legjislacionit për të siguruar përputhshmërinë me ligjet ekzistuese dhe korrektësinë juridike.…
Shqiptarët kanë të drejtën legjitime që të kërkojnë rregullim të ri shtetëror, deklaroi deputeti i Bashkimit Demokratik për Integrim, Blerim Bexheti. Këtë deklaratë Bexheti e mbështet mbi presionet e fundit që bëhen mbi shqiptarët, por e përmend edhe mosrespektimin e Marrëveshjes së Ohrit. Sipas Bexhetit, të drejtën për rregullim të ri shtetëror shqiptarët e fitojnë edhe pas deklaratave të kryeministrit për bllokim të integrimeve europiane. BLERIM BEXHETI, DEPUTET I BDI-SË “Në shtet ne realisht kemi problem serioz ku, i ftoj edhe popullatën maqedonase, por edhe shqiptare, nëse ka nevojë edhe të bisedojmë edhe si e lexojmë Marrëveshjen e Ohrit dhe…
