Studentët e universiteteve shqiptare në Maqedoninë e Veriut për të hënën e javës tjetër, gjegjësisht më 18 maj, kanë paralajmëruar protestën e dytë për të drejtat e tyre për mbrojtjen dhe dhënien e provimeve shtetërore në gjuhën shqipe. Kreu i lëvizjes studentore të këtyre protestave përmes një postimi në rrjetet sociale ka informuar për protestën e dytë me porosinë: “Si të parët tanë për këtë amanet!”. Ai ka bërë thirrje për përkrahje masive për të drejtat e tyre legjitime. Protesta e dytë vjen pas asaj të mbajtur një muaj më parë para Ministrisë së Drejtësisë dhe Qeverisë, ku u kërkua…
Author: IM
Pas takimit me të rinjtë në Tetovë, sot në Strugë po qëndrojnë ish-ministri i Mbrojtjes së Shqipërisë, deputeti Pirro Vengu dhe ish-ministrja e Arsimit, deputetja Evis Kushi, së bashku me deputetë të tjerë nga Shqipëria. Në këtë takim të zgjeruar me rininë strugane merr pjesë inicuesi i protestave Mevlan Ademi, si dhe presidentë të unioneve të studentëve e organizatorë të tjerë të Lëvizjes Studentore. Vengu ka deklaruar: “Takimi me studentët shqiptarë të tre universiteteve të Tetovës ishte një moment që të rikthen besimin tek e ardhmja. 🙏 Plot dinjitet, kurajë dhe qytetari ata ngrenë zërin prej muajsh, jo vetëm për…
Ish-presidenti Ilir Meta, në një reagim në rrjetet e tij sociale, u shpreh se sot, në seancën e radhës në gjykimin në themel, vetë Prokuroria rrëzoi akuzën kryesore ndaj tij për gjoja lobimin e 1 milion USD për një foto me Presidentin Trump. Meta denoncoi lajmet e rreme të ‘Mother Jones’ dhe ‘Kronen Zeitung’, duke theksuar se akuza mbi të cilën u mbështet izolimi i tij politik prej 19 muajsh është rrëzuar, dhe paralajmëroi se edhe akuzat e tjera do të çmontohen njëra pas tjetrës. Postimi i plotë: Sot, në seancën radhës të gjykimit në themel, vetë Prokuroria rrëzoi akuzën…
Shkupi është sot kryeqendra e bashkëpunimit ekonomik shqiptaro-maqedonas. Në një tryezë të vetme janë mbledhur institucione, biznese, media dhe organizata nga të dy vendet, në kuadër të Forumit të Biznesit “Maqedoni e Veriut – Shqipëri: Përtej Kufijve”, një takim që synon të kthejë afërsinë gjeografike në partneritet ekonomik të matshëm. Forumi organizohet nga Ambasada e Republikës së Shqipërisë në Shkup, në bashkëpunim me Odën Ekonomike të Maqedonisë së Veriut. Ai vjen në një moment kur bashkëpunimi rajonal nuk është më alternativë, por domosdoshmëri për zhvillim ekonomik, lidhshmëri dhe përshpejtim të integrimit evropian. Punimet u hapën nga Ambasadori i Republikës së…
Aktori dhe ish-drejtori i Teatrit Kombëtar, Ylber Murtezi, ka reaguar publikisht përmes një statusi, duke kritikuar përmbajtjet humoristike që transmetohen nga Shqipëria, konkretisht emisionin “Portokalli”. Në reagimin e tij, Murtezi thekson se në mungesë të një opozite të mirëfilltë shqiptare në Maqedoninë e Veriut, hapësira publike po mbushet nga emisione që ai i cilëson si “limunadë” apo “turlitava”. “Sa i përket artit të mirëfilltë, i ftoj të vijnë këndej kufirit dhe ta shijojnë. Shkupi ka udhëhequr me timonin e artit mbarëkombëtar”, është shprehur ai. Murtezi shton se, ndonëse nuk kishte në plan të reagonte si aktor, e pa të nevojshme…
Fondacioni “ALSAR” ka nxjerrë nga shtypi botimin më të ri të titulluar “TRE ROMANE”, nga shkrimtari i njohur shqiptar Kim Mehmeti. Libri përmbledh tre romanet: “Vitet e urithit”, “Lypsqarët e Shkupit” dhe “Pusi”, duke sjellë para lexuesve një tjetër vepër të rëndësishme të autorit që prej vitesh shquhet për stilin e tij të veçantë letrar dhe trajtimin e temave sociale e identitare. Botimi vjen nën përkujdesjen e Fondacioni ALSAR, i cili vazhdon të kontribuojë në promovimin e librit dhe kulturës shqiptare.
Shtëpia botuese Logos-A ka sjellë para lexuesve librin më të ri të autorit dhe teologut Metin Izeti me titull “Hija e Pejgamberëve: Një bisedë në kufijtë e imagjinatës”. Vepra e botuar nuk paraqet një rrëfim klasik historik mbi jetët e pejgamberëve dhe të urtëve të mëdhenj, por një dialog të thellë shpirtëror dhe mistik, që zhvillohet në hapësirën e imagjinatës njerëzore. Sipas botuesit, libri u rekomandohet si teologëve, ashtu edhe lexuesve të gjerë që kërkojnë reflektim dhe qasje më ndryshe ndaj dimensionit shpirtëror dhe filozofik. Njëkohësisht, “Hija e Pejgamberëve” shënon edhe hapjen e ciklit të botimeve të reja të sivjetme…
Antea Demiri – anëtare e kryesisë së Forumit rinor të VLEN Sot nuk jemi mbledhur këtu vetëm për një rezolutë. Sot jemi këtu për ta shkruar një faqe të re. Një faqe që nuk nis me frikë, por me guxim.Nuk nis me nostalgji për të kaluarën, por me besim tek e ardhmja. Dhe ajo e ardhme ka një emër: RINIA! Sepse çdo herë kur historia ka kërkuar ndryshim, ka trokitur në derën e të rinjve. Çdo herë kur është kërkuar revoltë kundër padrejtësisë, janë ngritur të rinjtë. Çdo herë kur është kërkuar shpresë, energji dhe vizion, kanë qenë të rinjtë…
Këshilltari i AKI-së në Komunën e Sarajit, Gazmend Tairi, ka reaguar ashpër lidhur me ndotjen e ajrit në këtë zonë, duke e cilësuar atë si një kërcënim serioz për jetën dhe shëndetin e banorëve. Në reagimin e tij publik, Tairi thekson se ndotja nuk është vetëm çështje mjedisore, por një rrezik i drejtpërdrejtë për qytetarët, të cilët çdo ditë detyrohen të thithin ajër të rrezikshëm. Sipas tij, kjo situatë po ndikon veçanërisht tek fëmijët, të cilët po rriten në kushte të papranueshme, ndërsa natyra po degradohet vazhdimisht. Ai vë në dukje se Saraj, me potencialin e tij natyror dhe afërsinë…
Izet Mexhiti nga VLEN ka mirëpritur në Shkup kryeministrin e Kosovës, Albin Kurti, përcjell Almakos. “Mirë se erdhe në Shkup, miku im, kryeministër Albin Kurti!”, ka shkruar Mexhiti, duke shprehur mikpritjen dhe raportet e afërta mes tyre. Vizita e Kurtit në Shkup pritet të shoqërohet me takime dhe diskutime mbi bashkëpunimin ndërmjet Kosovës dhe Maqedonisë së Veriut, si dhe çështje të rëndësishme rajonale./Almakos
Një erë e rëndë dhe e dyshuar si “helmuese” po shqetëson banorët e Komunës së Sarajit, të cilët raportojnë se gjatë gjithë ditës është përhapur një aromë e padurueshme në ajër. Sipas dëshmive të qytetarëve, era është tejet e fortë dhe ka shkaktuar shqetësim të madh, duke ngritur frikë për pasoja të mundshme në shëndetin e tyre. Ata theksojnë se nuk dihet ende burimi i saktë i kësaj ndotjeje, ndërsa situata vazhdon të mbetet e paqartë. Banorët kërkojnë reagim të menjëhershëm nga institucionet përgjegjëse, duke apeluar për kontrolle në terren dhe identifikimin e burimit të erës. Ata paralajmërojnë se nëse…
Oda e Stomatologjisë së Maqedonisë ka reaguar publikisht pas informacioneve se Drejtoria e Policisë Financiare ka dorëzuar kallëzim penal në Prokuroria Themelore Publike në Shkup ndaj ish-kryetarit të Odës, kryetarit të Komisionit dhe disa anëtarëve të Komisionit për Çështje Profesionale Stomatologjike. Sipas njoftimit zyrtar, kallëzimi lidhet me dyshime për keqpërdorim të pozitës zyrtare dhe autorizimeve. Oda e Stomatologjisë shprehu shqetësim serioz për zhvillimet, duke theksuar se dënon fuqishëm çdo formë të sjelljes së paligjshme dhe joetike. Në reagim, institucioni nënvizon se integriteti profesional dhe respekti për ligjin janë bazë e funksionimit të saj. Në vijim reagimi i plotë i Odës…
