Author: Hamdi Kumanova

Më 31.12.2018 në orën 18:20 në Stacionin Policor në Strugë, K.M. (37) nga Struga, e punësuar në bastoren sportive në rrugën “Proleterski Brigadi” në Strugë, kanë paraqitur se dy persona meshkuj kanë tentuar ta përdhunojnë, informojnë nga Policia, transmeton Portalb.mk. Autoritetet po i ndërmarrin masat për pastrimin e rastit.

Sipas Entit Hidrometeorologjik të Maqedonisë gjatë mëngjesit të sotëm më ftohët ka qenë në Berovë ku janë shënuar temperatura deri në -11 gradë celsius, ndërsa temperatura maksimale janë shënuar në Dojran me zero gradë celsius. Nga EHM gjithashtu njoftojnë se temperatura të ulëta janë shënuar edhe në Llazarapole -10 gradë celsius, në Mavrovë -9, në Shkup (Petrovec) -8, në Kriva Pallankë dhe Krushevë -7, në Tetovë, Strumicë, Dibër dhe Shkup -6. Në Kodrën e Diellit trashësia e borës deri në orën shtatë të mëngjesit ka arritur 14 centimetra, ndërsa në Krushevë nëntë centimetra dhe Mavrovë tetë centimetra./Telegrafi/

Ministri i Punëve të Jashtme të Maqedonisë, Nikolla Dimitrov, vlerëson se në bisedimet me Greqinë dhe në Marrëveshjen e arritur mes dy vendeve në Prespë, pa triumfalizëm dhe pa pompozitet, kanë arritur të nxjern më të mirën për Maqedoninë. Në një intervistë për Agjencinë e lajmeve MIA, ai thotë se mendon që për këtë ngjarje të shkruajë edhe një libër me qëllim që kjo ngjarje të mos harrohet asnjëherë. Nikolla Dimitrov“Pa pompozitet, pa trimufalizëm, por me një dinjitet të qetë dhe të sigurtë dhe me ndërgjegje të pastër, e nxorëm më të mirën për Maqedoninë. Në rrethanat e krijuara absolutisht…

Nën ndikimin e valës së ftohtë dhe lagështisë, nesër paradite si dhe gjatë mbrëmjes, gjithashtu edhe të enjten do të ketë reshje të borës, të cilat më të dendura do të jenë në pjesën perëndimore dhe jugore të vendit. Siç informojnë nga Drejtoria për Punë Hidrometeorologjike, në gjithë territorin e vendit pritet të formohet shtresë e borës, ku në pjesën perëndimore dhe jugore do të ketë rreth 10 centimetra borë, ndërsa në pjesët malore deri 20 centimetra. Gjatë ditëve të ardhshme, moti do të jetë i ndryshueshëm dhe i ftohtë me temperatura të ulëta dhe reshje të shiut dhe borës.

Foshnja e parë e lindur për vitin 2019 në Tetovë është djalë, i cili është emëruar Anik. Ai ka lindur në orën 00:45 me peshë prej 3.2 kilogram dhe gjatësi 50 centimetra. Komuna e Tetovës edhe këtë vit ka ndarë shpërblim për prindërit e foshnjës, në vlerë prej 40 mijë denarëve. Theksojmë se edhe në Shkup foshnja e parë ishte djalë, i cili lindi një minutë pas mesnate./Telegrafi/

Me 31.12.2018 rreth orës 20.00 në Shkup në rrugën “Brigada kosovare-maqedonase” S.S.(36) nga Shkupi duke drejtuar veturën e tipit “Lancia” me targa nga Shkupi i ka goditur këmbësorët V.S.(27) dhe një fëmijë një vjeçar nga Shkupi dhe një fëmijë 6 vjeçar nga Kosova, transmeton Almakos. Të lënduarve ndihmë mjekësore iu është dhënë në Kompleksin e klinikave “Nënë Tereza”. Është kryer kontroll në vendin e ngjarjes. Po punohet për zbardhjen e rastit.

Me 01.01.2019 rreth orës 04.30 në Tetovë në rrugën “Hekurudha” është shkaktuar një zjarr në hapësirat e bodrumit në shtëpinë në pronësi të M.K., transmeton Almakos. Zjarri është shuar nga Ekipi i zjarrfikësve në Tetovë. Kontroll në vendngjarje do të kryhet brenda ditës.

Me 31.12.2018 rreth orës 13.10 në Shkup në rrugën “Dimce Mircev” është djegur një oxhak në një shtëpi në pronësi të M.M.(63), ku iu është djegur njëra anë e kulmit të shtëpisë dhe njëra anë e hapësirës ndihmëse, transmeton Almakos. Zjarri është shuar në ora 14.00 nga ekipi i Zjarrfikësve.

Me 31.12.2018 në ora 23.20 nga ana e zyrtarëve policor të SPB Tetovë në bulevardin “Ilindenska” me rrugën “ JNA” në Tetovë është ndaluar vetura e tipit “Golf” me targa nga Tetova e drejtuar nga B.S.(43) nga fshati Dobarce ku gjatë kontrollit në veturë janë gjetur rreth 9.500 mjete piroteknike, transmeton Almakos. Personi është arrestuar dhe pas dokumentimit të tërësishëm të rastit do të ngritet padi adekuate penale.

Me 01.01.2019 në ora 01.50 në Gostivar në rrugën ‘Dushko Popoviq’ janë arrestuar B.S.(22) dhe L.S.(24) nga Linci i Republikës së Austrisë tek të cilët është gjetur kokain, transmeton Almakos. Pas dokumentimit të tërësishëm të rastit do të ngritet padi adekuate penale.

Me 31.12.2018 në ora 11.10 në Shkup në udhëkryqin e bulevardit “Kuzman Josifovski Pitu” dhe rrugës “Boris Kidric” G.R.(52) nga Shkupi duke drejtuar autobusin me targa nga Shkupi e ka goditur këmbësorin L.K.(64) nga Shkupi, transmeton Almakos. Në aksident, L.K. është lënduar rëndë dhe me veturën e Ndihmës së shpejtë është dërguar në Kompleksin e Klinikave “Nënë Tereza”. Është kryer kontroll në vendngjarje.

Me 31.12.2018 rreth orës 13.00 në Tetovë në rrugën “Nikolla Tesla”, F.V.(31) nga Tetova duke drejtuar veturën e tipit “Seat Kordoba” me targa nga Tetova e ka goditur këmbësorin A.A. nga Tetova, transmeton Almakos. A.A. është lënduar rëndë dhe pas ndihmës mjekësore në Spitalin Klinik në Tetovë është dërguar në Kompleksin e klinikave “Nënë Tereza” në Shkup. Është kryer kontroll në vendin e ngjarjes. Po punohet për zbardhjen e rastit.