2 Nëntor 2018 / 12:58 Burime zyrtare nga Kuvendi kanë konfirmuar për Alsat se propozim amendamentet e Qeverisë para pak minutave kanë arritur në ligjvënës. Siç bëjnë të ditur të njëjta burime, seanca e Komisionit për çështje kushtetuese do të thirret për më 7 nëntor ndërsa seanca plenare ku do të miratohen draft-amendamentet do të mbahet më 1 dhjetor. Adrian Kerimi
Author: almakos
Draft Amendamentet
2 Nëntor 2018 / 11:17 Udhëheqësja e grupit të ri parlamentar të VMRO – DPMNE-së, Elizabeta Kanceska theksoi se Qeveria i ka pranuar propozim amandamentet që të integrohen në ndryshimet kushtetuese. Siç theksoi ajo, përmbajtja e katër amandamenteve të propozuara nga ky grup i ri parlamentar janë : Garancione për identitetin maqedonas Anulimin e të gjitha amandamenteve në rast se Greqia nuk e ratifikon Marrëveshjen në Kuvend dhe nëse sërish i bllokon Euro-Integrimet e Maqedonisë Amandament për korrnizë kohore në të cilën përfshihen dokumentet dhe institucionet maqedonase, të përshtaten sipas dispozitave të Marrëveshjes së Prespës. Në vazhdim mund të ndiqni…
2 Nëntor 2018 / 10:28 Aplikacionet globale për ndjekjen e ndotjes së ajrit, mbrëmë e rradhitën Shkupin në vendin e gjashtë në listën e vendeve më të ndotura në botë. Vendi më i ndotur sipas njësive matëse ishte tek vendi i quajtur “Rektorat” me 240 PM10 grimca në një kub metër, që është pesë herë më shumë nga e lejuara.
2 Nëntor 2018 / 10:16 Marrëveshja e Prespës solli formimin Komitetit Interdisiplinar të Përbashkët të Ekspertëve (KIPE) për çështje historike, arkeologjie dhe arsimore ndërmjet Republikës së Maqedonisë dhe Republikës së Greqisë. Revidimi i teksteve historike dhe gjeografike të librave shkollorë në Maqedoni do të jetë roli I Komitetit. Ky komitet ka në përbërje dy komisione, njëri me historianë nga Maqedonia dhe tjetri me historianë nga Greqia. Komisioni nga Maqedonia ka një përbërje 6 maqedonas, dhe një shqiptar: Dalibor Jovanovski, Nikos Çausidis, Ludmill Spasov, Ana Çupevska Stanishkovska, Fehari Ramadani dhe Kica Kollbe. Kryetari i komisionit të Maqedonisë është Viktor Gaber. Komisioni…
2 Nëntor 2018 / 9:15 Aksident trafiku në rrugën Ilindenska. Alsat njofton se para pak çastesh për shkak të një aksidenti trafiku në rrugën Ilindenska, rruga është bllokuar. Njoftohen qytetarët që të evitojnë këtë rrugë. Foto nga vendi i ngjarjes:
2 Nëntor 2018 / 7:37 Sot në Maqedoni parashikohet të mbizotërojë kryesisht mot i ngrohtë me vranësira lokale. Temperaturat më të larta të ditës do të sillen nga 9 deri në 14 gradë crlsius, ndërsa ato të mëngjesit nga 4 deri në 8 gradë celsius. Shpejtësia e ajrit parashikohet të jetë deri më 5 km/h, ndërsa rrugët janë kryesisht pa pengesa.
1 Nëntor 2018 / 20:57 Prokuroria Publike ka caktuar masën e paraburgimit 30-ditor për Femi Latifin dhe Vebi Latifin që të dy nga Kumanova si të dyshuar për vrasjen e Vebi Maksutit një natë më parë në Kumanovë. Që të dy dyshohen për veprën vrasje. Personat e tjerë të përfshirë në këtë incident janë liruar. Mësohet se përleshje fizike mes grupeve ka pasur edhe në stacionin policor.
1 Nëntor 2018 / 19:06 Draft-amendamentet mbi ndryshimet Kushtetuese para se të dorëzohen në Kuvend sot pasdite edhe njëherë u shqyrtuan nga Kryeministri Zoran Zaev dhe deputetë e opozitës të cilët mbështetën nismën për ndryshimet Kushtetuese. Këta të fundit kërkojnë Nen të veçantë për gjuhën, identitetin dhe trashëgiminë historike. Zaev nuk përjashtoi mundësinë që kërkesat e opozitës të inkorporohen në Nenin ekzistues të Kushtetutës në formë dispozite. [embedded content] [embedded content] Adrian Kerimi
1 Nëntor 2018 / 18:46 Gjatë një bisede të zëvendëskryeministrit të Maqedonisë, Bujar Osmani me ministrin e Punëve të Jashtme të Greqisë, Jorgos Katrugallos me rastin e inaugurimit të linjës ajrore Athinë-Shkup, Osmani ndër të tjerash u shpreh se ai pret që deri në fund të këtij vitt të mbyllet i gjithë procesi i Marrëveshjes së Prespës si në vendin tonë, po ashtu edhe në Greqi. Të gjithë ne presim që deri në fund të vitit të përfundojë procesi dhe pastaj ai të vërtetohet edhe në Greqi. Pas kësaj jam i mendimit se do të ndodhë një shpërthim pozitiv në drejtim…
1 Nëntor 2018 / 17:47 Me rastin e 550 vjetorit të vdekjes së Skënderbeut, në Shkup u promovua trilogjia “Gjergjat në drita përkrenaresh”, përkatësisht romanet “Dragoi”, “Udhëkryqi” dhe “Flakadanët e Lirisë” të autorit Avni Deahri. Sipas panelistëve romanet në fjalë ngërthejnë një shtrirje epike të mahnitshme që nga shtatzënia e Vojsës me Gjergjin që do të bëhej kryetrim i Arbërisë, e deri në ditën e kortezhit të të Kastriotit në Lezhë. Kohërisht, drama e trilogjisë shtrihet në kufijtë gati shtatëdhjetë vjeçare të mesjetës shqiptare. Avni Dehari me romanet e trilogjisë “Gjergjat në drita përkrenaresh” me mjeshtri të rrallë u jep…
1 Nëntor 2018 / 15:51 Akuzat e ish shefit të DSK-së, Sasho Mijallkov, kreu i VMRO-DPMNE-së, Hristijan Mickoski i quan çështje e brendshme e partisë. Duke mos dashur që të përgjigjet në letrën që Mijallkovi i drejtoi Mickoskit pas akuzave që ju bënë menjëherë pas vendimit për largimin e tij nga subjekti, Mickoski shton se VMRO-ja posedon dëshmi për gjithçka që pretendon. Ne politikisht jemi ndarë dhe kemi vendosur që të ndjekim trajektore të ndryshme, ndërsa pas letrës edhe si miq. Me atë letër, Mijallkovi i dha fund para kohë nje miqësie. Nuk kam as çka të shtoj e as…
