(VIDEO) Rishikimi i buxhetit të martën në seancë plenare

Rishikimi i Buxhetit do të rikthehet më 1 gusht për diskutim në seancë plenare të Kuvendit. Me këtë Kuvendi do të fillojë debatin pesëditor për ribalancin e Buxhetit.
Kryetari i Kuvendit, Talat Xhaferi e ka caktuar seancën e 11-të me një pikë në rendin e ditës, me Propozimin e plotësuar për ndryshimin dhe plotësimin e Buxhetit të Republikës së Maqedonisë për vitin 2017. Me Propozimin për ndryshimin dhe plotësimin e Buxhetit të Republikës së Maqedonisë për vitin 2017 përcaktohen 25 milionë denarë shtesë dhe ridedikohen mjete financiare sipas nevojave të konsumatorëve të buxhetit.
Shpenzimet e përgjithshme me rishikimin e Buxhetit janë projektuar në 203 milion e 312 mijë denarë, të ardhurat në 184 milionë e 745 mijë denarë, ndërsa deficiti në 18 milionë e 567mijë denarë. Qëllimi, sipas Qeverisë, është të zvogëlohen shpenzimet joproduktive dhe sigurimi i hapësirës për realizimin e politikave të Qeverisë së re. Pasi që Komisioni kuvendor për financa dhe buxhet e shqyrtoi propozim rishikimin e buxhetit e ktheu atë në Qeveri e cila ka tre ditë për ta shqyrtuar dhe për ta kthyer për shqyrtim pesë ditorë në seancë plenare të Kuvendit ku edhe duhet të votohet. Edhe pse deputetët e opozitës propozuan mbi 800 amendamente për Rishikimin e buxhetit, shumica parlamentare nuk pranoi asnjë amendament.
Mefail Ismaili

Rishikimi i buxhetit të martën në seancë plenare by tvshenjaofficial