(VIDEO) Maqedonia dhe Bosnja me hapa të shpejtë drejt BE-së

Maqedonia dhe Bosnja dhe Hercegovina do të kenë trajtim të njëjtë të përgatitjeve të përshpejtuara për anëtarësim në NATO dhe BE. Kështu të paktën vlerëson Instituti Ndërkombëtar për Hulumtime në Ballkanin Juglindor, në një analizë pas vizitës së kryeministrit të Maqedonisë, Zoran Zaev në Sarajevë.
Instituti në një shkrim të saj thekson se vizita e kryeministrit të Maqedonisë në Sarajevë bart me vete disa mesazhe gjeopolitike dhe i paralajmëron proceset e ardhshme politike në rajon.
“Vizita e Zaevit në Bosnjë është një lloj mesazhi i fundit për Aleksandar Vuçiqin të bashkëngjitet dhe të përkrah rrugën e Maqedonisë dhe Bosnjës dhe Hercegovinës drejt anëtarësimit të plotë në BE dhe NATO”, thuhet në analizën e Instituti Ndërkombëtar për Hulumtime në Ballkanin Juglindor.
Sipas Institutit, i cili thirret në burime nga Brukseli dhe Uashingtoni, tani më janë duke u përgatitur disa vendime drejt ndryshimit të Marrëveshjes së Dejtonit, e cila i dha fund luftës në Bosnjë në vitin 1995.
Kujtojmë se kryeministri i Maqedonisë, Zoran Zaev gjatë këtij muaji qëndroi për vizitë në Bosnjë dhe Hercegovinë ku zhvilloi takime me krerët e lartë shtetërorë.
Gjatë takimeve është theksuar për rëndësinë e përforcimit të bashkëpunimit midis dy shteteve në rrugën euroatlantike.
Enis Murtezi

Maqedonia dhe Bosnja me hapa të shpejtë drejt… by tvshenjaofficial