Vëllai i Liridonës, Leonardi, ka dhënë një dëshmi tronditëse sot para trupit gjykues, në lidhje me vrasjen e motrës së tij, një ngjarje që ka lënë një plagë të thellë në familjen e tij.
Ai e përshkroi momentin e tmerrshëm kur mori lajmin e hidhur për vrasjen e motrës.
“Kam qenë në lokal në fshatin tim duke punuar. Më ka thirrur bashkëshortja në telefon dhe më ka thënë: E paskan vra Liridonën. Si kishte shumë njerëz në lokal, nuk e dëgjova mirë a ishte fjala për motrën time Liridonën apo për djalin e axhës, po ashtu Liridon. Pastaj nuk vonoi shumë dhe erdhi thirrja e dytë, më tha: Hajde në shtëpi, se e kanë vra motrën tënde, Liridonën”, tha Ademaj.
Leonardi ka theksuar se tronditja e lajmit e ka lënë pa fjalë, dhe ka shtuar se ai nuk mund ta besonte se ngjarja kishte ndodhur në realitet.
“Ishte një moment që më kaloi para syve si një film i keq. Nuk e dija se çfarë të bëj”, ka shtuar ai.
Pas kësaj, ai u mundua të kontaktojë dhëndrin, Naim Murselin, dhe e gjeti atë të shtrirë në një hotel, ku sipas tij, Naimi kishte porositur drekë në ato momente.
”Rreth orës 11 provova të kontaktoj me Naimin sepse nuk e dinim ku ndodhej. E thirra Valon Lluken, më tha: “Merre numrin e shoferit me të cilin është Naimi dhe fol me të.”
E thirra Betim Podrimqakun, më tha që Naimi është në Swiss. U nisëm me djalin e axhës, dajën dhe tezakun. Na thanë se është lart në dhomë.
Ai ishte i shtrirë në shtrat, kishte disa gjëra ushqimore në tavolinë që i kishte porositur si drekë. Nga obi menduam se ishte i frikësuar dhe po e përjetonte gjithçka me dhimbje të madhe.
I thashë: “A mundemi me shku në morg me pa Liridonën?” Ai tha: “Jo, nuk na lejohet.”
E thirra vetë spitalin, i thashë: “A mundemi me ardh me pa trupin?” Shkuam, erdh edhe Naimi.
Mjeku tha: “Nëse keni ndonjë problem, mundeni me mos ardh. Naimi tha: “Kam problem me zemër, s’e di a muj me e pa.” Ai erdhi deri te dera, dhe vetëm nga dera e shikoi. Nuk hyri brenda”, ka përfunduar Leonardi, duke lënë publiku në një heshtje të thellë.
Këto dëshmi tronditëse hedhin dritë mbi dhimbjen e thellë të një familjeje që po përballet me një humbje të papërshkrueshme. Është evidente se ngjarja ka lënë pasoja të thella jo vetëm në familje, por edhe në shoqëri, duke nxitur një reflektim të thellë mbi sigurinë dhe mënyrën e jetesës në komunitete.
Rasti i Liridonës kërkon vëmendje dhe veprim për të adresuar çështjet që lidhen me dhunën në familje dhe sigurinë e grave. Familja Ademaj shpreson që drejtësia të bëhet dhe se përgjegjësit do të përballen me pasojat e veprimeve të tyre.
Na lini mendimet tuaja për këtë ngjarje përmes një komenti. Është e rëndësishme të ndjehemi të bashkuar në këto çaste të vështira. **Komento edhe ti në Facebook – bashkohu diskutimit!**
