LSDM: Me Gruevskin në krye VMRO nuk reformohet

Ndryshimet e mëdha në Komitetin ekzekutiv të VMRO-DPMNE-së, sipas LSDM-së nuk mund të demokratizojnë këtë parti. Kështu ka deklaruar nënkryetari i LSDM-së, Bllagoja Boçvarski, i pyetur nga mediat se si e komenton daljen nga organi kryesor i partisë, i disa funksionarëve kyç të partisë. Boçvarski tha se VMRO-DPMNE-së i duhen reforma rrënjësore, pasi sipas tij, Nikkolla Gruevski i cili për dhjetë vite mbajti të robëruar shtetin dhe institucionet nuk mund të demokratizojë partinë e tij.
“Njeriu i cili për qeverisjen 10-vjeçare si kryeministër i Maqedonisë, e bëri Maqedoninë shtet të robëruar dhe njeriu i cili në pjesën më të madhe e bashkon partinë me shtetin, për çka ishim edhe të kritikuar nga të gjitha institucionet relevante evropiane, nuk mund ta demokratizojë partinë e tij.ë politike. Secili grim i këtillë që bëhet brenda natës, nuk do të çojë në demokratizim të VMRO-DPMNE-së. Atje duhen reforma të mëdha. Por qytetarët e dinë këtë. Dhe në zgjedhjet e ardhshme lokale në tetor LSDM-ja do ta marrë fitoren e madhe”, ka deklaruar Bllagoja Boçvarski, LSDM.