“Jam mirë. Faleminderit të gjithëve”, ky ishte mesazhi i shfaqur në profilin e Ilaria Sulës, 22-vjeçare shqiptare për të qetësuar familjen dhe miqtë, të cilët prej ditësh po e kërkonin.
Por pas atyre fjalëve fshihej një përpjekje për të mashtruar të afërmit e saj, pasi nuk ishte ajo që e kishte shkruar, por ish-partneri i saj, Mark Samson, 23-vjeçari me origjinë filipinase, i cili ka pranuar vrasjen e ish-të dashurës së tij, të cilën e futi në një valixhe dhe e hodhi në një greminë.
Mediat italiane shkruajnë se kjo ka qenë një përpjekje e tij për të fituar kohë, ndoshta për të shmangur zbulimin e ngjarjes, por qetësimi i familjarëve dhe miqve solli efektin e kundërt.
Hetuesit e kanë vërtetuar tashmë që mesazhin e kishte shkruar vetë Samson, i cili më pas e hodhi celularin e vajzës në një kanal.
Edhe miqtë e saj janë shprehur se nga ky postim u shtua dhe më shumë shqetësimi për gjendjen e saj dhe se diçka nuk shkonte.
‘Kur e pamë atë postim në Instagram, kuptuam që diçka nuk ishte në rregull,’ tregon Adrian, njëri nga miqtë e saj. ‘Ajo ‘faleminderit të gjithëve, jam mirë’ nuk ishte nga Ilaria. Ajo kurrë nuk do ta shkruante kështu. Kishim dyshime për Markun, pas zhdukjes, ai ishte i ftohtë, i distancuar, dukej i shqetësuar. Thoshte gjithmonë të njëjtën gjë: ‘Po merret policia, qetësohuni’. Unë dyshova për të që në fillim. Ai kishte planifikuar gjithçka”, ka treguar i riu.
Miku i Ilarias është shprehur po ashtu se ajo nuk do ta bënë një postim të tillë ndërkohë që të gjithë miqtë dhe familjarët ishin të shqetësuar, pasi do kishte folur me ta. Po ashtu ai thotë se autori i vrasjes, i cili po ashti ishtr mik i tij, i kishte kërkuar të takoheshin, por nuk ishin takuar, pasi më pas kishte pranuar krimin.
“Kuptuam menjëherë që nuk ishte ajo që po shkruante ato mesazhe. Ilaria kurrë nuk do ti linte të shqetësuar ata që i donte. Disa ditë para gjetjes së trupit, Marku më kishte shkruar në Instagram për të komentuar një video që kisha postuar. Të hënën, në mesazhin e tij të fundit, më kërkoi të takohemi. Pastaj nuk më shkroi më dhe kishte pranuar vrasjen”, ka thënë Adriani.
I riu ka folur për mediat italiane edhe se si e njihte Markun. Sipas tij, ai kurrë nuk kishte shfaqur më parë një anë të errët dhe se mes Mark dhe Ilarias nuk kishte vënë re një raport shqetësues.
“Nuk kishte treguar kurrë anën e tij të errët’ Një vrasje e paqartë, madje edhe për ata që e njihnin Markun ngushtë. Punonim së bashku në McDonald’s Ai dhe Ilaria u bënë çift pikërisht në atë periudhë. Ai kurrë nuk kishte dhënë sinjale shqetësuese, asnjë fjalë të çuditshme. E kam takuar edhe jashtë punës, në festat e ditëlindjeve të tyre. Nuk kishte treguar kurrë anën e tij të errët. Askush nuk mund ta kishte imagjinuar atë që do të bënte”, tregon ai.
Në fund të prononcimit të tij, miku i 22-vjeçares shqiptare ka kërkuar drejtësi për vrasjen e saj, duke mos kursyer as prindërit e Mark, të cilët thuhet se kanë qenë në banesë më të birin kur ai ka kryer krimin dhe mund ta kenë ndihmuar të fsheh trupin e pajetë të saj.
“Shpresoj që të bëhet drejtësi! Dhe shpresoj që të paguajnë edhe prindërit e Markut, nëse e kanë ndihmua” tha ai, ndërsa i ka kushtuar edhe disa fjalë mikes së tij, për të cilën tha se ishte një vazjë me karakter të fortë.
“Ilaria ishte një vajzë e jashtëzakonshme, e kujdesshme në punë, e shkëlqyer në studime, kokëfortë, por shumë e dashur. Kishte një karakter të fortë, dhe nëse e dinte që kishte të drejtë, luftonte deri në fund. Askush nuk meriton fundin që ajo pati”, ka rrëfyer ai.
AUTOPSIA
Nga autopsia e kryer në Institutin e Mjekësisë Ligjore të Universitetit Sapienza me urdhër të prokurorisë së Romës, ka rezultuar se Ilaria Sula u godit tre herë me thikë në qafë dhe vdiq nga shoku hemorragjik.
Autopsia nuk mund të përcaktojë ditën dhe orën e vdekjes, pasi do të nevojiten analiza të mëtejshme, rezultatet e të cilave do të arrijnë në javët në vijim.
