Borisov: Marrëveshja i hap rrugës Maqedonisë drejt NATO-së

Marrëveshja për fqinjësi të mirë i ofron Maqedonisë një perspektivë Evropiane dhe i hap rrugën drejt NATO-s, ka thënë kryeministri Bullgar Bojko Borisov gjatë Kongresit të Studentëve demokrat evropian në Varna. Borisov ka shprehur pritjet që edhe Parlamenti i Maqedonisë të miratojë njëzëri marrëveshjen duke theksuar se teksti i marrëveshjes është mirëpritur nga Komisioni Evropian dhe nga ambasadat në SHBA, Sofje dhe Shkup. Bojko Borisov ka thënë se gjatë bisedës së tij me kryeministrin grek Aleksis Cipras, ka shpjeguar se marrëveshja mes Maqedonisë dhe Bullgarisë nuk është marrëveshje kundër askujt por është vetëm një marrëveshje për fqinjësi të mirë mes dy vendeve. Kryeministri Bullgar kujtoi faktin që ish presidenti bullgar Zhelju Zheljev ka qenë i pari i cili e ka pranuar Maqedoninë si shtet, dhe uron që ndonjë rrugë ose bulevar ta gëzojë emrin e tij.