Ka ndërruar sot në mëngjes fëmija dyvjeçar, i cili u plagos rëndë nga një plumb qorr në Shkup gjatë natës së Vitit të Ri, derisa po shikonte fishekzjarrët, njoftuan autoritetet shëndetësore. Fillimisht, fëmija u dërgua për trajtim në Spitalin e Përgjithshëm të Qytetit në Shkup, ndërsa për shkak të seriozitetit të plagëve u transferua urgjentisht në Klinikën e Kirurgjisë Pediatrike, përcjell INA. Ekipet mjekësore konstatuan gjakderdhje masive në tru, me përfshirje të të gjitha ventrikujve cerebralë. Pavarësisht kujdesit intensiv mjekësor dhe mbikëqyrjes së vazhdueshme, gjendja e fëmijës ishte jashtëzakonisht e rëndë dhe kërcënuese për jetën. Mëngjesin e…
Author: Hamdi Kumanova
Një shtetas i Maqedonisë së Veriut, Stiven Ivanovski, rezulton i zhdukur pas zjarrit të madh që shpërtheu gjatë natës së Vitit të Ri në një lokal nate në qendrën turistike zvicerane Crans-Montana. Sipas informacioneve të deritanishme, zjarri ka shpërthyer gjatë festës së ndërrimit të viteve, duke shkaktuar kaos dhe panik mes të pranishmëve. Autoritetet zvicerane raportojnë për dhjetëra viktima dhe mbi njëqind persona të lënduar, të cilët janë dërguar për trajtim mjekësor në spitale të ndryshme të vendit. Familja e Stiven Ivanovskit ka humbur çdo kontakt me të pas incidentit dhe përmes rrjeteve sociale ka bërë apel publik për…
Prokuroria kërkon paraburgim për një 26-vjeçar nga Shkupi, pasi në veturën që po voziste, janë gjetur 10 kilogramë kokainë. Ndërkaq, në njoftimin e Policisë, bëhet e ditur se bëhet fjalë për personin me iniciale I.E. nga Shkupi, i cili fillimisht ishte ndaluar për kontroll në fshatin Koliçan të Epërm më datë 31.12.2025, në ora 14:30, ndërsa më pas i është marrë vetura për kontroll të mëtutjeshëm, ndërsa droga ishte gjetur më 1 janar nga Policia. Nga Prokuroria thonë se duke qenë se bëhet fjalë për një sasi të madhe droge, janë lëshuar disa urdhra për të hetuar origjinën e kokainës,…
Polici Denis Prebeza është zyrtari që shpëtoi nga mbytja një grua në Mitrovicë. Viktima kishte rënë nga ura e re mbi lumin Ibër, por falë reagimit të shpejtë dhe ndërhyrjes së menjëhershme, ajo u shpëtua në kohë, raportojnë mediat. Sipas mediave, gruaja ndodhet në gjendje stabile dhe është jashtë rrezikut për jetë.
Sot, më 2 janar, në Varrezat e Dragodanit do të varroset ish-kryetari i Kuvendit të Kosovës, Nexhat Daci. Ceremonitë mortore do të zhvillohen sipas një agjende zyrtare të bërë publike nga familja Daci. Homazhet për të ndjerin do të mbahen nga ora 09:00 deri në 11:45 në hollin e Kuvendit të Kosovës. Më pas, nga ora 12:00 deri në 12:45, në Sallën Plenare të Kuvendit do të organizohet Akademia Përkujtimore, përcjell Klankosova.tv. Varrimi me nderime shtetërore do të mbahet nga ora 13:40 deri në 14:20 në Varrezat e Dragodanit. “Familja Daci falënderon të gjithë…
Një ngjarje e rëndë ka ndodhur sonte në Mitrovicë, ku një grua ka rënë nga ura e re e Ibrit.Ajo u dërgua në Qendrën Emergjente të qytetit. Lajmin e ka konfirmuar për Klankosova drejtori i Spitalit të Mitrovicës, Gëzim Berisha.Berisha tha se pacientja është jashtë rrezikut për jetë. “Po është një pacient i tillë. Nuk ka lëndime serioze. Është jashtë rrezikut për jetë. Është duke u monitoruar në Emergjencë”, deklaroi ai.
Më 01.01.2026 në orën 03:17, një 52-vjeçar nga Shkupi është dërguar me plagë nga arma e zjarrit në dorë në spitalin e Prilepit. Policia po punon për zbardhjen e rastit, raporton Tetovasot.
-Në rajonin e SPB-Shkup, për fat të keq është regjistruar një rast më serioz, vrasje. Ku jetën e humbi një shtetas i Turqisë, njoftoi sot ministri i Punëve të Brendshme, Pançe Toshkovski gjatë konferencës për shtyp në lidhje me natën e Vitit të Ri, përcjell TV21. Ndërkaq, në raportin e detajuar të Ministrisë së Punëve të Brendshme, bëhet e ditur se ngjarja ka ndodhur “Më 01.01.2026, në orën 01:11, në SPB-Shkup është raportuar se përpara një objekti të gastronomisë në Çarshinë e Vjetër të Shkupit ishte shkelur rendi dhe qetësia publike me një përleshje fizike, ku dy persona pësuan lëndime…
Zyrtarë policorë nga DPB Gostivar kanë privuar nga liria një 61-vjeçar nga Gostivari, i cili dyshohet se ka sulmuar fizikisht vëllain e tij 64-vjeçar. Rasti është raportuar më 31.12.2025 rreth orës 13:00. I dyshuari është ndaluar në stacionin policor dhe pas dokumentimit të rastit do të përgatitet parashtresa përkatëse, raporton Tetovasot
Një banor nga fshati Rakovec ka denoncuar në SPB Tetovë se djali i tij 25-vjeçar është sulmuar fizikisht nga një bashkëfshatar. Rasti ka ndodhur më 31.12.2025 rreth orës 19:30. Policia po ndërmerr masa për zbardhjen dhe dokumentimin e plotë të rastit, raporton Tetovasot.
Një grua 45-vjeçare nga rrethina e Tetovës ka denoncuar se është sulmuar fizikisht nga bashkëshorti i saj, i cili e ka kërcënuar edhe me një mjet të mprehtë. Rasti është raportuar më 31.12.2025 në ora 18:20 në SPB Tetovë. Policia po ndërmerr masa për zbardhjen e rastit, raporton Tetovasot.
Zgjedhja e kryetarit të Këshillit të Komunës së Strugës nga radhët e VMRO-DPMNE, me votat e këshilltarëve të VMRO-së, VLEN-it, Listës Merko dhe Levica, ka nxjerrë në pah, sipas këshilltarit të Aleancës Kombëtare për Integrim, Faton Pollozhani, një marrëveshje të hapur politike dhe jo thjesht një procedurë institucionale. Në reagimin e tij publik, Pollozhani thekson se për ditë me radhë është tentuar të ndërtohet një narrativë e rreme, sipas së cilës kinse Aleanca Kombëtare për Integrim bashkëpunon fshehurazi me Listën Merko. “Sot e vërteta foli vetë – jo me deklarata, por me votë. Jo me akuza, por me…
