Komisioni Shtetërorë i Zgjedhjeve njofton se deri në ora 17:00, jehona e votuesve është 41,29 përqind. Deri në orën 17:00, pjesëmarrja e votuesve është 41.29 përqind sipas të dhënave të marra nga 62.44 përqind e vendvotimeve. 470,436 votues hodhën votën në këto qendra votimi, shkruan TS.
Author: Hamdi Kumanova
Deri në ora 15:00 në Komisionin për ndjekjen e parregullsive eventuale gjatë zgjedhjeve kanë arritur informacione për aktivitetet që janë ndërmarrë nga prokuroritë publike për lëndë të caktuara si dhe njoftime për parregullsitë e mundshme që kanë ndodhur, njoftojnë nga Prokuroria. Prokurorët kujdestarë me vëmendje janë duke e ndjekur procesin zgjedhor dhe me prioritet veprojnë në drejtim të verifikimit të fakteve në lëndë. Në adresën elektronike [email protected] ka arritur parashtresë nga partia politike në lidhje me dyshimin për kryerjen e trysnisë dhe agjitim nga ana e një personi në vendvotimin në Gostivar. Siç qëndron në kumtesën e Prokurorisë, është formuar…
Në Komunën e Çairit deri në ora 15 të drejtën e votës e kanë përdorur 25.58 % e trupit të përgjithshëm votues ose gjithsejtë 14.363 persona, shkruan Almakos. Procesi në përgjithësi ka kaluar i qetë pa incidente dhe probleme të mëdha.
Procesi i votimeve në Kumanovë në përgjithësi po realizohet pa pengesa. Deri në ora 15 në qytetin e Kumanovës kanë votuar 28.56 % nga trupi i përgjithshëm votues ose gjithësejtë 23.456 votues, shkruan Almakos. Ajo që mësojmë nga vendvotimet në Lagjet shqiptare, dalja e shqiptarëve për të votuar është jashtëzakonisht e vogël. Në këtë mënyrë po rrezikohet edhe numri i këshilltarëve shqiptarë në Këshillin e Kumanovës për shkak të daljes së vogël në votime. Apelohet që deri në ora 19 shqiptarët në qytetin e Kumanovës ta përdorin të drejtën e votimit me qëllim që nesër të mos dalim të papërfaqësuar…
Lideri i partisë politike Alternativa, Afrim Gashi sot realizoi të drejtën e votimit duke bërë thirrje që të votohet në mënyrë sa më masovike. Afrim Gashi deklaroi se procesi ka qenë i qetë dhe ashtu në mënyrë të qetë dhe demokratike të realizohet ky proces deri në fund, të fitoj e vërteta karshi të pavërtetës.
Duam të informojmë opinionin se procesi i votimit në mbarë vendin po zhvillohet me disa parregullsi të nxitura nga funksionarë të pushtetit, por qytetarët po dëshmnojnë nivel të volitshëm të demokracisë dhe pjekurisë politike. Deri në këto momente duket se dëshirën e qytetarëve për të shprehur vullnetin e tyre me votë nuk po arrijnë ta ndalin as tentimet e militantëve dhe funksionarëve të BDI-së për të prishur procesin. Gjatë ditës janë regjistruar disa tentime të këtilla, kryesisht në Gostivar, Zhelinë, Strugë, Tetovë dhe vende të tjera, ku janë regjistruar tentime për tensionim të situatës. Nervozë dhe panikë vërehet tek komisionerë…
Në Dellçevë dhe Makedonska Kamenicë pa probleme po zhvillohet votimi për Zgjedhjet lokale. Zoran Ivanovi, zëvendësanëtar në KKZ për MIA-n informoi se deri në orën 13 në Dellçevë të drejtën e tyre të votës e kanë realizuar 29,2 për qind e votuesve. “Nga gjithsej 14.736, votues të regjistruar, deri në orën 13 në Dellçevë kanë votuar 4.301 persona. Sa i përket rrjedhës së votimit, nga mëngjesi ka pasur disa probleme me UBIG, por me ndërhyrjen e sektorit TI, ato u tejkaluan shpejt, ashtu që tani për tani, nuk kemi probleme”, tha Ivanovi. Në Makedonska Kamenicë nga KKZ informuan se numri…
Për fitoren në raundin e parë të zgjedhjeve lokale nevojitet të paktën një e treta nga votuesit e regjistruar të dalin në votim në komunën e caktuar dhe që njëri nga kandidatët të fitojë shumicën e votave. Ata të cilët nuk zgjidhen sot e vazhdojnë betejën në balotazh, të caktuar pas dy javësh. Sipas Kodit Zgjedhor, fitues është ai që siguron shumicën e votave nga votuesit të cilët kanë dalur në votim . Por duhet që dalja në vendvotime të jetë të paktën një e treta e numrit të përgjithshëm të votuesve të regjistruar në Listën Zgjedhore të komunës përkatëse.…
Kryetari i Bashkimit Demokratik për Integrim Ali Ahmeti ka realizuar të drejtën e votës, ndërsa pas votimit ka deklaruar. “Ditë e bukur sot në Kërçovë, por edhe në Tetovë, Gostivar, Strugë, Dibër, Çair, Saraj, Likovë, Çashkë, Dollnen, Pllasnicë, Zhelinë, Bogovinë, Tearcë, Vrapcishtë, Resnjë, Shkup, Studeniçan, Haraçinë, Brvenicë dhe në të gjitha komunat tjera. Sot flet sovrani dhe vlerëson punën e bërë si dhe ofertën e prezantuar programore gjatë fushatës. Fushata ishte dinjitoze, jam mirënjohës dhe faleminderues për dyert e hapura dhe mikpritjen në të gjitha vendbanimet tona. Votoni motra dhe vëllezër, bëhuni pjesë e zhvillimit dhe vendimmarjes”.
Zgjedhje lokale sot po mbahen në Kosovë dhe Maqedoni të Veriut. Tashmë dihet se shumë shqiptarë që jetojnë në Maqedoninë e Veriut gëzojnë shtetësi edhe të Kosovës. Por a do të kenë mundësi të njëjtit që sot të shfrytëzojnë të drejtën e tyre në të dy shtet, kjo për shkak të spërkatësit të gishtit. Nënkryetarja e Komisionit Shtetëror Zgjedhor në Maqedoni të Veriut, Ditmire Shehu, në studion e hapur të TV21 sqaroi se kjo e drejtë e dyfishtë është mundësuar edhe më me zbatimin e sistemit biometrik të marrjes së shenjave të gishtave që ka filluar të zbatohet në këto…
Në raportet e vëzhguesve të CIVIL, nga terreni, prej ora 09:00 deri në 11:00, dominojnë problemet me aparatet a.q. “fingerprint”, ose pajisjet për identifikim biometrik, kumtoi Xhabir Deralla nga organizata joqeveritare CIVIL në konferencën e dytë për shtyp gjatë procesit zgjedhor. Ai, mes tjerash, potencoi se një pjesë e këshillave zgjedhorë nuk janë mjaft të njoftuar me Kodeksin për vëzhgues dhe ndryshimet e tij dhe kërkojnë nga vëzhguesit e “Civil” dokumente plotësuese, të cilat ata janë të obliguar t’i sjellin ose t’i refuzojnë sepse nuk ka emra në bexhat e KSHZ-së. “Në vendvotimin 2626, kryetarja e Këshillit zgjedhor, ashpër reagoi…
Në lagjen Hasanbeg të Komunës së Gazi Babës procesi i votimit ka filluar në kohë pra në orën 7, por edhe këtu në disa vendvotime janë shfaqur probleme teknike me aparatet fingerprint. Megjithatë procesi i votimit nuk është ndërprerë. Qytetarët presin realizimin e projekteve të premtuara gjatë fushatës, mbi të gjitha, siç thonë ata për të rinjtë, të cilët çdo ditë po lëshojnë vendin për jetë më të mirë.
