Grupi parlamentar i së Majtës njoftoi sot pasdite se përmes deputetit Borisllav Krmov si anëtar i Komisionit kuvendor për çështje të zgjedhjeve dhe emërimeve do të paraqesë një propozim për shkarkimin e kryetares së KSHPK-së, Tatjana Dimitrovska. Nga E Majta theksojnë se është e papranueshme që Kuvendi të jetë pasiv dhe të presë që vetë kryetarja të japë dorëheqje për arsye morale, kur kundër Dimitrovskës janë duke u zhvilluar dy hetime penale dhe ajo nuk ka ardhur në punë për më shumë se dy muaj. Nga E Majta, me thirrje iu drejtuan shumicës qeveritare që të iniciojë ndryshime ligjore në…
Author: almakos
Tre zjarrfikës janë asfiksuar nga tymi gjatë operacionit për shuarjen e zjarrit në malin e Dukatit, i cili vijon prej tre ditësh pa u vënë ende nën kontroll. Ata janë transportuar me urgjencë në spital dhe ndodhen jashtë rrezikut për jetën. Zjarri ka përfshirë një sipërfaqe të madhe pyjore dhe vijon të përhapet për shkak të terrenit të vështirë dhe erës së fortë. Në terren ndodhen forcat zjarrfikëse dhe të ushtrisë, ndërsa autoritetet po ndjekin nga afër situatën dhe bëjnë thirrje për kujdes në zonat e prekura.
Spitali i Tetovës mbeten me më pak se 155 të punsuar, pasi më 14 korrik, Fondi i Sigurimit Shëndetësor ka dhënë mendim negativ për sigurimin e mjeteve financiare në kërkesën e Ministrisë së Shëndetësisë për punësimin e 155 punonjësve në Spitalin e Tetovës, shumica e të cilëve janë motra medicinale të cilat punojnë me kontrata në vepër me vite. Ky vendim, ka shkaktuar reagime të shumta në opinionin publik dhe politik. Partitë politike shqiptare opozitare kanë reaguar ashpër, duke e quajtur vendimin të motivuar politikisht dhe si një formë diskriminimi ndaj punonjësve të Spitalit të Tetovës. Sipas BDI-së, një vendim…
Në një skenë politike të ngurtësuar prej vitesh nga dominimi i partive, një lëvizje e re po merr formë në disa komuna të Maqedonisë së Veriut. Kandidatë të pavarur, të shkëputur nga strukturat tradicionale partiake, kanë vendosur të hyjnë në garën për pushtetin lokal – dhe jo thjesht për të marrë pjesë në zgjedhjet lokale që do të mbahen në tetor, por për të sfiduar drejtpërdrejt vetë sistemin. Por, a është kjo një shenjë e një vetëdijësimi të ri qytetar, apo thjesht një reagim emocional ndaj krizës së besimit në parti, dhe a kanë realisht këta kandidatë fuqi të sfidojnë…
GJKKO ka lënë në fuqi masën e arrestit me burg për Burim Ferizaj dhe Përparim Kalbaj, të arrestuar pasi futën miliona euro në Shqipëri nga Zvicra përmes sistemit “Hawala”. Në kuadër të këtij hetimi të SPAK, në Zvicër është arrestuar edhe Ervis Ferizaj. Sipas SPAK, për kalimin e parave përmes kësaj metode (Hawala), e cila nuk lë gjurmë por ka si tarifë një përqindje prej 6% të vlerës, janë përdorur zyra këmbimi valutor dhe agjenci turistike. Sipas hetimeve, paratë e pista të futura në Shqipëri në qindra raste përgjatë disa viteve kanë si burim trafikun e drogës në Zvicër, ku po…
Kryetari i Lëvizjes BESA dhe njëkohësisht kryetar i Komunës së Tetovës, Bilall Kasami, së bashku me kryeministrin, Hristijan Mickoski, kanë zhvilluar një konferencë për media në gjimnazin “Kirili Pejçinoviq”, ku kanë bërë të ditur fillimin e rikonstruksionit të plotë të kësaj shkolle të mesme. Gjatë konferencës, gazetarët ngritën një pyetje nëse donacioni që po mundëson këtë rikonstruksion vjen nga një kompani serbe dhe nëse pas këtij investimi fshihet një marrëveshje e mundshme për ndërtimin e një Kishe Ortodokse në Tetovë. Në vend të Kasamit, kësaj pyetje iu përgjigj kryeministri Mickoski, i cili theksoi se investimi është pjesë e përpjekjeve për…
GJKKO ka përgëgnjeshtruar deklaratën e Berishës, se ka patur një përplasje me kreun e SPAK, Atlin Dumanin në kuadër të procesit penal të njohur si dosja “Partizani”. Në njoftimin për mediat, GJKKO thekson se nuk ekziston dhe nuk ka ekzistuar kurrë ndonjë konflikt institucional apo personal me Prokurorinë e Posaçme, dhe se marrëdhëniet ndërmjet institucioneve janë të bazuara në respektin e rolit dhe kompetencave përkatëse. NJOFTIM PËR MEDIAT Të nderuar gazetarë dhe përfaqësues të mediave, Në përgjigje të interesit publik/mediatik mbi dosjen “Partizani”, në ngarkim të të pandehurve Sali Berisha, Jamarbër Malltezi, Fatmir Bektashi, Xhimi Begeja, Andia Pustina, “Studio Pustina”,…
Në verë, pirja e ujit duhet të jetë një proces i vazhdueshëm, nuk duhet të presim derisa të kemi etje ose kur shëndeti përkeqësohet për të pirë ujë. Marrja e mjaftueshme e ujit për të rriturit me peshë mesatare prej rreth 70 kilogramësh është rreth 2 litra, e rekomanduar nga mjekët në Institutin e Shëndetit Publik (ISHP). “Trupi i njeriut, nga natyra e funksionimit të tij, ndonjëherë mund të ketë nevojë për më shumë ujë, kështu që, që trupi të funksionojë normalisht, ai ka nevojë për ujë të mjaftueshëm. Në mot të nxehtë, këshillohet të tejkalohet kjo sasi e marrjes…
Ministri në detyrë i Financave, Hekuran Murati, i ka reaguar ish-kryeministrit Isa Mustafa, i cili ditë më parë tha se në vitin 2017 kishte liruar anëtarët e kabinetit qeveritar pasi ata ishin zgjedhur deputetë, me qëllim që të shmangte shkeljen e Kushtetutës. Në një reagim në Facebook, Murati tha se arsyeja e lirimit të zyrave nga anëtarët e LDK-së në atë kohë nuk kishte të bënte me respektimin e Kushtetutës, por me faktin se nuk pritej që kjo parti të ishte pjesë e qeverisë së re pas zgjedhjeve të 11 qershorit 2017. “Pas zgjedhjeve të mbajtura më 11 qershor 2017,…
Policia Kufitare në Morinë ka arrestuar 35-vjeçarin turk Kadir Kuçukologu, i dënuar me 4 vite burg nga autoritetet gjyqësore të Turqisë për mashtrim financiar përmes sistemeve elektronike. Ai u kap teksa tentonte të hynte në Shqipëri dhe ndaj tij është caktuar masa e arrestit me qëllim ekstradimi. Kuçukologu ishte shpallur në kërkim ndërkombëtar nga Gjykata e Lartë për Krime në qytetin Karsikaya. Interpol Tirana është në kontakt të vazhdueshëm me autoritetet turke për finalizimin e procedurave të ekstradimit. Sipas Policisë së Kukësit, bashkëpunimi mes strukturave vendore dhe Interpolit bëri të mundur lokalizimin dhe ndalimin e tij pa incident. Arrestimi i…
Vlera e shportës minimale sindikale për muajin korrik 2025 është 65,328 denarë (1061 euro). Krahasuar me vlerën e shportës minimale sindikale për muajin qershor 2025 që është 64,698 denarë (1051 euro), është rritur me 630 denarë. Me një apartament me qira prej 60 metrash katrorë për muajin mars, harxhimet minimale arrijnë në 80,703 denarë (1311 euro). Siç thonë nga Lidhja e Sindikatave të Maqedonisë, vlera e Shportës Minimale Sindikale për ushqim dhe pije, për ato 63 produkte që ndjek Shporta Minimale Sindikale për korrik 2025 është 23,683 denarë krahasuar me qershorin 2025 (23,167 denarë) është rritur me 515 denarë. “Nga…
Policia e Elbasanit ka arrestuar Denis Hasallën, vëllain e deputetit socialist Saimir Hasalla, pas një kontrolli në banesën e tij, ku u sekuestruan 30 fishekë municion luftarak. Kontrolli u krye me urdhër të Prokurorisë së Elbasanit, në kuadër të hetimeve për abuzimet me inceneratorin e Elbasanit dhe aktivitetin e kompanisë koncesionare “ECO-ELB”. Sipas burimeve zyrtare, arrestimi u krye në bazë të një vendimi të Gjykatës, ndërsa mëngjesin e sotëm janë ushtruar 14 kontrolle në banesa të zyrtarëve dhe ish-zyrtarëve vendorë të përfshirë në skemën e dyshuar të shpërdorimit të fondeve publike. Në fokus të hetimeve janë gjithashtu zëvendëskryetarë bashkish dhe…
