Superkupa, toksikologjia dyfishon ekipet mjekësore

Ministria e Shëndetësisë njoftoi se për shkak të Superkupës, Klinika për Toksikologji ka caktuar ekipe të dyfishta për kujdestari në 48 orët e ardhshme. Por në gjendje gatishmërie janë lënë edhe ekipe të tjera që në rast nevoje mund të thirren për asistencë, përcjell SHENJA.
Për veprim sa më të shpejtë në raste emergjente, Ministria e Shëndetësisë sygjeroi që qytetarët të drejtohen tek Qendra Emergjente në Spitalin e Qytetit të Shkupit 8 Shtatori ose i njohur si Ish Spitali Ushtarak.
Përgjatë sheshit Maqedonia do të ketë ekipe mobile të emergjencës pasi aty do të zhvillohet transmetimi qendror.
Ministria e Shëndetësisë, informoi të gjitha institucionet shëndetësore publike që të jenë në gjendje gatishmëri me ekipe të mjaftueshme për intervenim të shpejtë në rast të numrit të madh të pacientëve.