Me thënien latine “Historia est magistra vitae”, (Historia është mësuesja e jetës) Ramadan Ramadani, opinionist shqiptar nga Shkupi Maqedonia e Veriut ka qëndrim se protestat politike që prej dy javësh po zhvillohen në Tiranë dhe qytetet tjera, brenda dhe jashtë vendit janë europiane dhe do shpiejnë Shqipërinë në BE.
“Mos u hamendni dhe dyshoni aspak se këto protestat në Shqipëri janë proeuropiane dhe si epilog do kenë Shqipërinë në BE. Ne nga afër kemi pa shembullin, sidomos të Bullgarisë dhe Kroacisë, se para se të hyjë në BE një shtet përjeton riformatim dhe shkundje të madhe!”, thekson Ramadani.
