Në shumë mure nëpër ndertesa në qytetin e Manastirit është vizatuar shkronja “Z”, simbol i invazionit rus në Ukrainë. E shoqëruar me shkurtesën “RF” në qirilicë, si simbol i “Federatës Ruse”, flet për propagandën e shtuar pas fillimit të konfliktit në Ukrainë.
Ekspertët paralajmërojnë institucionet kompetente të marin masat e nevojshme, duke theksuar se bëhet fjalë për propagandë që vjen nga shërbimi sekrey rus.
“Shteti maqedonad është sulmuar nga brenda, institucionet janë sulmuar përmes Shërbimit Sekret Rus, e këtë e vërteton edhe dëbimi i disa diplomatëve rusë nga vendi. Më herët joformalisht u dëbuan edhe diplomatë tjerë rusë të cilët në mënyrë të kontrolluar ose pakontrolluar janë futur në institucionet maqedonase dhe kanë realizuar kontakte me një pjesë të punësuarëve”, deklaroi profesori për çështje sigurie, Marjan Gjurovski.
Ai kërkoi nga organet e sigurisë në Maqedoninë e Veriut që të ngrejnë procedura dhe të dihen emrat dhe mbiemrat e tyre.
Në debatin e organizuar nga “Konrad Adenauer” është theksuar mes tjerash se anëtarësimi i vendeve të Ballkanit Perëndimor në BE është edhe çështje sigurie, e jo vetëm ekonomike./almakos
