Prokuroria Speciale dërgon pesë ankesa të reja

Prokuroria Speciale Publike ka dorëzuar në Gjykatën e Apelit pesë ankesa për vendimet e Gjykatës Penale. Ankesa kanë idhje me refuzimin e kërkesave të tyre për shqiptimin e masave të paraburgimit për liderin e VMRO-DPMNE-së, Nikolla Gruevski, ish shefin e kabinetit të tij, Martin Protogjer, ish ministren e Punëve të Brendshme, Gordana Jankullovska, ish ministrin e Transportit dhe Lidhjeve, Mile Janakieski dhe sekretarin gjeneral të Qeverisë, Kirill Bozhinovski, të akuzuar në rastin “Titanik” për mashtrime zgjedhore. Këshilli Penal në Gjykatën Themelore Shkupi 1, në vend të paraburgimit, pesë të akuzuarve ua ka marrë dokumentet e udhëtimit dhe ato diplomatike dhe i ka obliguar që njëherë në javë të paraqiten në Gjykatë. /SHENJA/