Punëtori rajonale me temë “Qasja drejt drejtësisë përmes reformave juridike dhe gjyqësore për përmirësimin e gjyqësisë, politikës ndëshkuese dhe probacionit”, do të fillojë sot në Mavrovë. Debati është në organizim të Shoqatës së Gjykatësve të Republikës së Maqedonisë dhe Ambasadës së SHBA-së, ndërsa zbatohet në suaza të projektit “Përforcimi i rolit dhe pavarësisë së gjykatësve në Republikën e Maqedonisë”. Debati shkencor, i cili do të zgjasë deri të enjten do ta hapë kryetari i Shoqatës së Gjykatësve të Republikës së Maqedonisë, Xhemali Saiti.
