LSDM pas vendimit të Prokurorisë publike speciale (PPS) ta nënvizojë akuzën për rastin “Puç” në kumtesë vlerësoi se “ka dështuar përpjekja më e madhe, më dëshpëruese dhe më e ulët për proces të montuar gjyqësor në Republikën e pavarur të Maqedonisë”.
“Me vendimin e sotëm të PPS, të hiqet dorë nga aktvendimi kundër kryetarit të LSDM-së, Zoran Zaev dhe personave të tjerë në rastin e ashtuquajtur Puç dhe zyrtarisht u konfirmua se “shërbimet e huaja, furgonat e verdhë, pajisja taktike, stacionet e klonuara bazë” janë trillim i pabazë dhe i vrazhdë i Nikolla Gruevskit”, qëndron në kumtesën e LSDM-së.
Rasti i ashtuquajtur Puç,shtohet në kumtesë, do të mbetet i regjistruar në historinë e Maqedonisë si një prej përpjekjeve të pushtetit të regjimit për përndjekjen e kundërshtarëve politik, por edhe si dëshmi, inkurajim dhe mësim se askush dhe asgjë nuk mund të ndalet në rrugën e së vërtetës dhe drejtësisë.
Sipas LSDM-së, kanë filluar proceset demokratike në Maqedoni vjen koha e drejtësisë, sigurisë dhe përgjegjësisë së qytetarëve, kur, theksojnë, secili do të jetë i barabartë para ligjeve.
