Kryetari i komunës Gazi Babë, Goran Stefkovski bashkë me qytetarët e lagjes Keramidnica dhe me anëtarët e Keshillit Komunal lëshuan në përdorim terenin e ri sportiv me tartan në këtë lagje.
“Sot bashkë me qytetarët e lagjes Keramidnica dhe me anëtarët e Keshillit Komunal lëshuam në përdorim terenin e ri sportiv me bazë më moderne tartani. Në teren janë vendosur pajisje për basketboll dhe për futboll në teren të vogël. Banorët e Keramidnicës fituan teren të ri për sport dhe rekreacion. Çdo investim në sport kthehet shumëfish. Në këtë mënyrë ne jo vetëm që investojmë në sport, por investojmë edhe në shëndetin dhe edukimin e fëmijëve tanë.
Besoj që me këtë teren sportiv do ju ndihmojmë shumë sportistëve të ardhshëm ta zhvillojnë talentin e tyre dhe në të ardhmen të kyçen në sportin profesionist”, ka shkruar Stefkovski në Facebook.
