Me shpalljen zyrtare të rezultateve të zgjedhjeve të parakohshme parlamentare nga ana e KSHZ-së, mbaron zyrtarisht edhe mandati i ministrave dhe zv. ministrave plotësues në ministrinë e punëve të brendshme dhe atë të punës dhe politikës sociale, të bujqësisë, pylltaris dhe ujrave, dhe asaj për shoqëri informatike dhe administratë publike. Kjo është e paraparë me marrëveshjen e arritur ndërmjet partive politike. Kjo nënkupton se Frosina Tashevska-Remenski dhe Oliver Spasovski nuk do të jenë ministra më tej. Funksionin e ministrave në ministritë e udhëhequra nga këta kuadro të LSDM-së, deri në krijimin e qeverisë së re, duhet ta marrin zv. ministrat e tanishëm, pra Agim Nuhiu i BDI-së dhe Ibrahim Ibrahimi. Me këtë, pas disa muajsh, VMRO dhe BDI rikthejnë nën kontroll MPB-në. Disa analistë shqiptarë mendojnë se qytetarët shqiptarë në Maqedoni që gjatë kësaj periudhe duhet të jenë më të kujdesshëm, sepse gjatë kohës sa kanë udhëhequr MPB-në BDIja dhe VMRO-DPMNEja, kanë ndodhur shumë raste të dyshimta me pasoja tragjike për shqiptarët, si vrasja e Harun Aliut me shokë, Monstra, Gjorçe Petrovi, si dhe Lagja e Trimave në Kumanovë.
Data 18.11.2026
Aktuale
- Plarent Ndreca: Erion Veliaj nuk u lejua 2 javë t’i nënshtrohet një ndërhyrjeje kirurgjikale në këmbë
- ‘Pensionohet’ Shkurte Fejza, merr urim të përzemërt nga bashkëshorti në ditëlindjen e 65-të
- Jakup Krasniqi në vizitë në Kosovë: Gruaja e tij përballet me një gjendje të rëndë shëndetësore
- Izraeli nis ofensivë ushtarake në Gazën qendrore, pavarësisht armëpushimit
- Samiti që mund të ndryshojë botën, Xi Jinping synon të marrë fronin e liderit botëror
- (VIDEO) Mësimi njëditor, mbyllja e shkollave – Janevska: Të pritet fundi i vitit për të parë efektet
- Gruaja e Medës humb personin e dashur, me fjalë prekëse i jep lamtumirën
- Kryeministri shqiptar Rama beson se bullgarët duhet të përfshihen në Kushtetutën e Maqedonisë së Veriut

