Policë nga SPB e Tetovës- Njësia për punë të brendshme në Gostivar, sot rreth orës 14 e 30 minuta në afersi të udhëkryqit mes rrugëve “Ivo Llolla Ribar” dhe “Bllagoja Toska” në Tetovë e kanë arrestuar 35 vjeçarin me iniciale Sh.Sh. Nga Tetova. Ai është arrestuar nën dyshimin se ka kryer dhjetëra mashtrime të ndryshme në rajonin e Tetovës dhe Gostivarit nga shtatori i vitit të kaluar deri në mars të këtij viti, vepër e cila dënohet me nenin 247 nga Kodi Penal.
Ai është mbajtur në Stacionin Policor në Tetovë për procedurë të mëtejme, kurse pas ndriçimit të plotë të rastit do të ngritet padi adekuate.
