20 Shtator 2018 / 15:02
Maqedonia nuk është e aftë të sigurojë terapi për fëmijët me pengesa në zhvillimin trupor, thonë nga shoqata “Rritja”. Sipas tyre në mungesë të përgatitjes së personalit për të diagnostifikuar me kohë sëmundjen dhe fillimit të terapisë së hormonit të rritjes, shumë fëmijë tërë jetën mbeten pa u zhvilluar dhe të ndryshëm nga moshatarët e tyre. Pos diagnostikimit shumë fëmijë të cilët kanë ngecje në zhvillim janë peng i pritjeve të gjata të Fondit Shëndetësor për të siguruar mjete për terapinë adekuate. Nga shoqata e cila mbron të drejtat e këtyre pacientëve akuzojnë institucionet shëndetësore në vend për shkelje të të drejtave të pacientëve.
Në Maqedoni për fat të keq është miratuar lista e vetëm 100 fëmijëve të cilët shërohen me terapinë hormonale të rritjes. Fëmijët përpara se të fillojnë me shërimin presin që kur të lirohet vendi i fëmijëve të cilët veçme marrin terapi, fëmijë të cilit rritja më i ka mbaruar dhe me këtë i ka mbaruar edhe shërimi. Këta fëmijë derisa nuk shërohen, iu paraqiten sëmundje të zemrës, sëmundje të sistemit kardiovaskular, sulme në tru, depresion, rritje të peshës trupore dhe të gjitha pasojat që i mbajnë të njëjtat këta sëmundje”- theksoi, Aleksandar Petrovski, Shoqata “Rritja”.
Drejtori i Fondit Shëndetësor Donçev pranon se Institucioni që drejton ka fonde të limituara, ndërsa premtoi se do të sigurojë mjete për furnizimin me këtë terapi.
Kërkesat në Shëndetësi janë të mëdha. Për fat të keq resurset me të cilat disponojmë janë ata cilat janë- të limituara. Fondi Shëndetësor gjithsesi se iu del në ndihmë financiarisht Klinikave por në njëfarë mënyrë, vendi i vërtetë nuk është vetëm Fondi por gjithashtu edhe vetë Klinikat të gjendet mënyrë të ndahet pjesë më e madhe e mjeteve me të cilat disponojnë pikërisht në furnizimin me barëra për fëmijët. Llogariteni se Fondi do të del në ndihmë në korniza të mundësive të tij për sigurimin e këtyre mjeteve”- pohoi Den Donçev, drejtor Fondit për Sigurim Shëndetësor.
Drejtoresha e Klinikës së Fëmijëve Katerina Stavriq shpreh nevojën për edukimin e mjekëve për diagnostikim të hershëm të kësaj sëmundjeje.
Vitin e fundit u sigurua terapi që mund të merret në tre muaj me çka u zvogëluan edhe shpenzimet dhe humbja e kohës së prindërve që çdo muaj të vijnë për terapi. Duhet edhe shumë punë për tu përmirësuar edukimi i punonjësve shëndetësor por megjithatë mendoj se duhet së bashku posaçërisht shoqata të punojë në ngritjen e vetëdijes tek popullata”- u shpreh Katerina Stavriq, drejtore e Klinikës së Fëmijëve – Shkup.
Në konferencë u ngrit edhe nevoja për regjistrimin kombëtar të pacientëve me këtë sëmundje që të dihet numri i saktë i tyre. Të sigurohet terapi për të gjithë fëmijët si dhe të gjinden metoda më të lehta për furnizim të terapive. Ndryshe, nga sot fillon shënimi i javës botërore të sëmundjeve indokrine.
Vjollca Aliti
