Gruevski e ka ditur se përgjohet, PPS kërkon 1,000 bisedat si prova në “Titanik” (Video)

Prokuroria Speciale kërkoi që si prova në rastin “Titanik” në lidhje me parregullsitë zgjedhore, të pranohen mbi 1000 biseda por edhe CD me SMS porosi. Para gjykatësve të apelit që e shqyrtuan ankesën e PPS-së, pasi Këshilli penal i njësisë së Shkupit këto prova i hodhi poshtë, prokurorja Lile Stefanova tha se gjykata e shkallës së parë gabimisht ka konstatuar se provat e ndara janë siguruar në mënyrë të paligjshme. Ajo theksoi se personat që akuzohen në këtë rast, kanë kryer vepra penale kundër zgjedhjeve dhe se bisedat ndërmjet Janakievskit dhe Jankullovsës nuk duhet të trajtohen si biseda private, duke shtuar se shefi i tyre Nikolla Gruevski ka qenë në dijeni se përgjohej./TV21