Ende aktiv zjarri në afërsi të Makedonski Brodit

Zjarri në rrethinën e fshatit Trebovle, në afërsi të Makedonski Brod ende është aktiv, kanë bërë të ditur nga Qendra për menaxhimin me kriza.
Bëhet fjalë për dy zjarre, ndërsa për shkak temperaturave të larta dhe terrenit të keq, zjarri është ende aktiv.
Në shuarjen e zjarrit përpos zjarrfikësve janë kyçur edhe forcat e ARM-së me helikopterët e tyre, të cilët janë angazhuar këtyre ditëve. Përkohësisht janë shfrytëzuar edhe dy avionët e Drejtorisë për shpëtim dhe mbrojtje.
Rreth orës 18:10 zjarri ka arritur në rrugën në afërsi të fshatit Trebovle duke u kërcënuar shtëpitë e para të fshatit, dhe për këtë arsye janë dërguar forca shtesë, ekipe të zjarrfikësve nga Tetova, Struga, Gostivari dhe Kumanova.