Bullgaria dhe Maqedonia sot e nënshkruajnë marrëveshjen për fqinjësi të mirë

Qeveria e Republikës së Maqedonisë dhe kryeministri Zoran Zaev, sot dhe nesër do të jenë nikoqir të delegacionit shtetëror të Republikës së Bullgarisë që do ta udhëheq kryeministri, Bojko Borisov, njofton Portalb.mk.
Vizita zyrtare e delegacionit të lartë të Republikës Bullogarisë do të fillojë sot me ardhjen në Aeroportin e Shkupit, në ora 11:30 minuta.
Ceremonia zyrtare për mirëseardhje të kryeministrit Borisov dhe anëtarëve të delegacionit shtetëror të Bullgarisë, me nderime të larta ushtarake, do të mbahet përpara Qeverisë së Maqedonisë e cila do të fillojë në ora 12:15.
Më 2 gusht, ashtu siç është e paraparë, të dy delegacionet bashkërisht do të marrin pjesë në manifestimin Ilinden në kishën “Shën Spasi” në Shkup.