Producentja e “Big Brother VIP Kosova”, Olsa Muhameti, ka hapur një mundësi komunikimi me ndjekësit e saj në Instagram, duke iu përgjigjur pyetjeve të tyre rreth projekteve dhe angazhimeve të saj.
Natyrisht, një pjesë e pyetjeve janë fokusuar te sezoni i ri i “Big Brother VIP Kosova”, një prej formateve më të komentuara dhe më të ndjekura në vend.
Një prej ndjekësve ka qenë kureshtar të dijë se çfarë i pret publiku në sezonin e ardhshëm, duke e pyetur drejtpërdrejt: “Çfarë na pret këtë sezon në Big Brother?”
Në përgjigjen e saj, Muhameti nuk ka zbuluar shumë detaje konkrete rreth formatit, banorëve apo risive që mund të jenë duke u përgatitur, por ka lënë të kuptohet se ekipi po punon me shumë energji dhe përkushtim për sezonin e ri.
“Di të them se ne jemi shumë të motivuar, kemi shumë dashuri dhe përkushtim, e shpresoj të sjellim një projekt të bukur. Me Zotin para”, ka shkruar ajo.
Deklarata e saj ka shtuar edhe më shumë kureshtjen e publikut, i cili tashmë pret të mësojë se cilët do të jenë personazhet që do t’i bashkohen shtëpisë së famshme dhe nëse sezoni i ri do të sjellë ndryshime në format.
Deri më tani, detajet rreth edicionit të ardhshëm mbeten të kufizuara, ndërsa përgjigjja e producentes tregon se përgatitjet tashmë janë duke u zhvilluar me shumë seriozitet.
“Big Brother VIP Kosova” në sezonet e kaluara ka sjellë histori, debate, miqësi dhe dinamika të shumta mes banorëve, duke u shndërruar në një nga temat kryesore të diskutimit në rrjetet sociale.
Prandaj, pritshmëritë për edicionin e ri janë të mëdha, ndërsa mbetet të shihet se çfarë ka përgatitur këtë herë produksioni dhe cilët do të jenë banorët që do të hyjnë në shtëpinë më të komentuar në vend./ORAinfo/
