Po behen 48 orë që rajoni i Studeniçanit është pa ujë të pijshëm, gjegjësisht Batinca Draçeva dhe Studeniçani. E gjithë kjo për shkak të shpërthimit të tubacionit kryesor të ujësjellësit në lumin Markova Reka që gjendet mes Batincës dhe Draçevës. SHENJA jozyrtarisht mëson se ekipet e NP Ujësjellësi dhe Kanalizimi, gjatë tërë natës së kaluar kanë punuar në gjetjen e problemit, ndërsa sonte do të punojnë në sanimin e dëmit që ka lënë pa një pjesë shumë të madhe të rajonit të Karshiakës. Sipas informacioneve jozyrtare, problemi pritet të sanohet deri nesër në mëngjes.
