Qeveria ne seancën e djeshme ka ndërmarrë hapat e para për realizimin e Marrëveshjes me Britaninë e Madhe dhe tashmë është formuar një Trup Koordinues i cili do të ndjekë zbatimin e Marrëveshjes mes Maqedonisë së Veriut dhe Britanisë së Madhe, informoi zëvendëskryeministri dhe ministër i Transportit, Aleksandar Nikolloski. Siç thuhet në njoftimin e sotëm të Ministrisë së Transportit, përveç zëvendëskryeministrit Nikolloski, anëtarë të Trupit Koordinues janë edhe ministrat e Punëve të Jashtme dhe Tregtisë së Jashtme, Energjetikës, Burimeve Minerale dhe Minierave, Transformit Digjital dhe të Shëndetësisë, si dhe drejtori i Hekurudhave të Maqedonisë – Infrastrukturë, sekretari i përgjithshëm i…
Author: Jeta almakos
Rami Mislimi As në kohët më të errëta të komunizmit, e as në diktaturat më të ashpra të Jugosllavisë, nuk kemi qenë kaq të frikësuar për të folur gjuhën e nënës. Shqiptarët nuk janë trembur as nga varjet, as nga burgosjet, as nga përsekutimet familjare apo dëbimet nga tokat e tyre drejt Turqisë e Shqipërisë. Ata i kanë bërë ballë një sistemi që varroste e digjte të gjallë këdo që mbronte gjuhën dhe flamurin kombëtar. Por sërish, gjuha dhe flamuri janë mbrojtur, pavarësisht pasojave. Sot, në këtë kohë, na ndalohet të flasim. Sot na ndalojnë të shkruajmë, dhe nesër ndoshta…
Bashkimi Demokratik për Integrim tha se nga 21 të punësuar në Agjencinë e Ushqimit dhe Veterinarisë, të gjithë janë maqedonas dhe asnjë shqiptar. BDI tha se kjo situatë po merr përmasa alarmante duke shkelur rëndë parimet e barazisë dhe përfaqësimit të drejtë. “Bashkimi Demokratik për Integrim shpreh shqetësimin më të thellë dhe dënon ashpër përjashtimin sistematik dhe të qëllimshëm të shqiptarëve nga institucionet shtetërore në Republikën e Maqedonisë së Veriut. Ky fenomen diskriminues po merr përmasa alarmante dhe përbën shkelje të rëndë të parimeve të barazisë dhe përfaqësimit të drejtë. Rasti i fundit që e ilustron qartë këtë realitet shqetësues…
Mbretëria e Bashkuar dhe Maqedonia e Veriut po forcojnë partneritetin e tyre përmes një Marrëveshjeje të re për Investime Strategjike, veçanërisht në infrastrukturë, njoftoi ambasadori britanik Matthew Lawson në fjalimin e mbajtur me rastin e shënimit të ditëlindjes së monarkut britanik. Një arsye për forcimin e këtij partneriteti, tha ambasadori, është se Britania gjithmonë ka pasur instinkt për t’iu kundërvënë shtypësit, duke shtuar se “nëse lihet pa u kontrolluar, ngacmimi i vogël rritet në mënyrë eksponenciale”. Ai tha se partneriteti do të rriste investimet britanike që do të tejkalonin shumë 2 miliardë paund në vit në tregtinë dhe investimet dypalëshe.…
Sot nuk flasim vetëm për sportin. Flasim për sakrificën. Flasim për këmbënguljen, për dinjitetin, për dashurinë ndaj atdheut. Sot, këtu, po e korrigjojmë shtetin para ambasadorëve të tij më krenarë – sportistët që me vite e kanë mbajtur Maqedoninë në zemër dhe mbi kurriz, në terrenet, arenat dhe podiumet anembanë botës. Ndarja e mirënjohjeve kombëtare për arritjet më të larta në sport është më shumë se një formalitet. Ajo është një akt respekti i thellë, i sinqertë dhe i merituar. Njohje e një vepre jetësore. Njerëzve që nuk kërkuan asgjë, por dhanë gjithçka. Njerëzve që i shndërruan ëndrrat në rezultate…
Në qytetin Graz të Austrisë, sot rreth orës 10 të mëngjesit ka ndodhur një të shtënë në shkollën e mesme BORG Dreierschützengasse, ku deri tani janë konfirmuar dhjetë viktima. Sipas informacionit të deritanishëm, kanë humbur jetën disa nxënës, një person i rritur dhe sulmuesi. Sulmuesi dyshohet të ketë qenë një nxënës i kësaj shkolle, i cili më parë kishte pretenduar se ishte viktimë e ngacmimeve në shkollë. Gazeta Kronen Zeitung raporton se sulmuesi ka qëlluar në dy klasa dhe më pas është gjetur i vdekur në një nga tualetet, gjë që është konfirmuar edhe zyrtarisht nga kryetarja e bashkisë, Elke…
Parlamenti në Bosnje dhe Hercegovinë është mbyllur për një arsye krejt të pazakontë. Sipas mediave atje, një gjarpër i vogël çoi në ndërprerjen e seancës së Dhomës së Popullit të Federatës së parlamentit të Bosnjës dhe Hercegovinës. Përpara se të fillonte seanca, deputetët vunë re një gjarpër të vogël që zvarritej në dyshemenë e sallës, gjë që menjëherë shkaktoi alarm. Përfaqësuesit u larguan nga salla dhe problemi u zgjidh nga një nga punonjësit e shërbimit teknik, i cili e kapi gjarprin me një leckë të zakonshme dhe e nxori jashtë. Më vonë doli se ishte një gjarpër lumi jo-helmues që…
Aktivistja suedeze Greta Thunberg akuzoi Izraelin për shkelje të ligjit ndërkombëtar pas deportimit të saj të martën, pasi u përpoq të dërgonte ndihmë humanitare në Gaza nga deti. Duke folur në Aeroportin Charles de Gaulle të Parisit, ku mbërriti para se të nisej për në Suedi, Thunberg tha se ishte “rrëmbyer” nga forcat izraelite në ujëra ndërkombëtare. “Ata bënë një akt të paligjshëm duke na rrëmbyer në ujëra ndërkombëtare dhe kundër vullnetit tonë; duke na sjellë në Izrael; duke na mbajtur në fund të anijes; duke mos na lënë të dilnim e kështu me radhë”, u tha ajo gazetarëve. 22-vjeçarja…
Para deputetëve në Kuvend, Avokati i Popullit Naser Ziberi prezantoi raportin vjetor të punës për vitin 2024, për shkallën e respektimit, avancimit dhe mbrojtjes të të drejtave të njeriut. Avokati i Popullit ka shqyrtuar gjithsej 3148 ankesa. Ashtu si çdo vit, vërejtje të shumta kishte për të burgosurit dhe kushteve në burgje. Sistemi i burgjeve edhe më tej nuk është përmirësuar tha Ziberi. Në shumë burgje ka mbipopullim, nuk ka mbështetje shëndetësore, mungon higjiena, ndërsa nuk realizohet me sukses as procesi i arsimimit dhe risocializimit. “Këtu do të doja të potencoj se përskaj kushteve të këqija të vendosjes, të burgosurit…
E rëndësishme për Marrëveshjen e Prespës është se është marrëveshja e parë në dekadat e fundit e arritur midis dy vendeve, ndërsa në të kaluarën këto lloj problemesh janë zgjidhur nga forca të tjera të fuqishme, nga vende të tjera të fuqishme dhe në mënyra të tjera. Është një shembull i mirë kur dy vende fqinje mund të ulen së bashku dhe të zgjidhin shumë çështje, tha kryetari i LSDM-së, Venko Filipçe, gjatë pjesëmarrjes së tij në Konferencën e Dytë Ndërkombëtare në Athinë, në organizim të Institutit “Aleksis Cipras”. Gjatë panel diskutimit, lideri i LSDM-së u përqendrua në rëndësinë e…
Kryeministri Hristijan Mickoski njoftoi sot se Qeveria planifikon të sigurojë mbështetje financiare prej 250 eurosh për studentët për blerjen e pajisjeve elektronike, duke filluar nga shtatori i këtij viti. Mjetet tashmë janë siguruar në buxhetin e shtetit, ndërsa procedurat për zbatim janë në vazhdim. “250 euro për pajisje elektronike. Këto para janë parashikuar në buxhet. Procedura në kuadër të Qeverisë, gjegjësisht Sekretariatit të Përgjithshëm, ka filluar. Kriteret përcaktohen dhe është normale që po presim të fillojë viti i ri akademik sepse një nga kriteret është që studentët të kenë semestër të regjistruar. Dhe i presim që këta studentë të vitit…
Në një kohë kur qytetarët kanë ankesa të shumta lidhur me kushtet e vështira të jetesës dhe pagat e ulëta, qeveria ka sjellëvendim të rrisë pagat e funksionerëve të emëruar. Në vendimin e ri të qeverisë, të publikuar në gazetën zyrtare thuhet se koeficienti i përllogaritjes së pagave nga 2,24 rritet në 2,55% , që në përllogaritje të pagave rezulton me rritje për 13,8%. Lidhur me këtë vendim ka reaguar kryetari i lidhjes së sindikatave të RMV-së Sllobodan Trendafilov. Ai thotë se punëtorët meritojnë më shumë se sa zyrtarët dhe se nëse nuk ka rritje të pagave të punëtorëve si…
