Pas videos së publikuar dhe reagimeve të ashpra në publik, kryetari i komunës së Sarajit, Muhamed Elmazi, njoftoi mbrëmë se ka filluar pastrimi me mekanizim i deponisë së rrezikshme në Radushë, e cila besohet se është kërcënuese për mjedisin dhe burimit Rashçe. “Në vazhdën e aksioneve për pastrimin e deponive të egra në territorin e Komunës së Sarajit, në bashkëpunim me Qytetin e Shkupit, ndërmorëm aksion për pastrimin e deponisë në vendbanimin Radushë. Ky është një tjetër hap në përpjekjet tona për të krijuar hapësira më të pastra dhe më të sigurta për qytetarët.”, njoftoi Elmazi.
Author: Hamdi Kumanova
Më 11.08.2026 në ora 16:30, në SPB Tetovë, Z.A. (64) nga Tetova ka denoncuar se më 10.08.2026 nga shtëpia është larguar nipi i saj S.A. (19). Po merren masa për gjetjen e personit, përcjell Pa Censurë.
Ministri i Punëve të Jashtme dhe Tregtisë së Jashtme dhe anëtar i KE të VMRO-DPMNE-së, Timço Mucusnki në emisionin “Tema e ditës” në TV Sitel, u përqendrua në, siç tha, përhapjen e lajmeve të rreme dhe dezinformimin nga ana e LSDM-së, thekson VMRO në komunikatë. “Kjo është një trajektore e keqe në të cilën po ecën partia më e madhe opozitare. Për shtatë vjet, ata kanë shkatërruar sistemin dhe kanë minuar besimin e qytetarëve në institucione, kurse tani, kur po përpiqemi të ndërtojmë një sistem të qëndrueshëm, po krijohet panik përmes lajmeve të rreme dhe dezinformimit”, tha Mucunski. Ai tha…
VLEN ka reaguar me rastin e 25-vjetorit të Marrëveshjes Kornizë të Ohrit, duke akuzuar Bashkimin Demokratik për Integrim (BDI) se gjatë viteve të qeverisjes e ka shfrytëzuar këtë marrëveshje për interesa partiake dhe përfitime personale. Në një komunikatë për media, VLEN vlerëson se Marrëveshja e Ohrit nuk është pronë e asnjë partie politike, por rezultat i sakrificës dhe angazhimit të shqiptarëve për barazi dhe të drejta më të mëdha në shtet. “Marrëveshja e Ohrit nuk është pronë private e BDI-së. Ajo është rezultat i sakrificës së një gjenerate të tërë. Por ajo që nisi si akt i ndërgjegjes kombëtare, BDI-ja…
Sot moti do të jetë i ndryshueshëm me vranësira dhe periudha me diell. Në disa vende do të jetë i paqëndrueshëm, me reshje të rrëmbyeshme shiu, bubullima dhe erë të përforcuar. Lokalisht, proceset do të jenë në formë stuhie, me erë të fortë dhe kushte për paraqitje të breshrit. Temperaturat do të ulen për disa gradë. Do të fryjë erë e dobët deri mesatare nga drejtimi verilindor, e cila në disa vende herë pas here do të përforcohet. Temperatura minimale do të lëvizë nga 10 deri në 21, ndërsa maksimalja do të arrijë nga 30 deri në 37 gradë Celsius.…
Ministria e Punëve të Brendshme vazhdon të thërrasë për bisedë informative persona nga profilet e të cilëve dje bëhej thirrje që të mos pihej uji në Shkup, për shkak të pretendimit për praninë e një bakteri. Pretendimi u demantua pasditen e djeshme nga kryetari i Shkupit, Orce Gjorgjievski, NP “Ujësjellësi dhe Kanalizimi” dhe Ministria e Shëndetësisë. “Sektori për Krim Kompjuterik pranë Ministrisë së Punëve të Brendshme po ndërmerr masat dhe aktivitetet e duhura. Po identifikohen profilet e personave dhe ata po thirren për bisedë informative. Pas përfundimit të veprimeve hetimore, do ta informojmë në mënyrë përkatëse opinionin”, thanë mëngjesin e…
Ministria e Transformimit Digjital njofton se Maqedonia ka bërë përparim të konsiderueshëm në Indeksin Kombëtar të Sigurisë Kibernetike (NCSI), duke u ngjitur me 29 vende në të 30-tin nga 155 vende dhe territore të renditura. “Me një rezultat prej 84.17 nga 100 të mundshëm, vendi është ndër vendet me nivel të lartë përgatitjeje për parandalimin e kërcënimeve kibernetike dhe menaxhimin e incidenteve kibernetike. Progresi është vërejtur edhe në median ndërkombëtare, e cila e veçon Maqedoninë midis vendeve që kohët e fundit kanë arritur përmirësime të konsiderueshme në kapacitetet kombëtare të sigurisë kibernetike”. “Indeksi Global i Sigurisë Kibernetike është zhvilluar nga…
Sot shënohet 25-vjetori i nënshkrimit të Marrëveshjes Kornizë të Ohrit, një dokument që më 13 gusht 2001 hodhi themelet për një zgjidhje politike të krizës ndëretnike dhe konfliktit të armatosur në Maqedoni. Marrëveshja u nënshkrua në Shkup nga Presidenti i atëhershëm i vendit, Boris Trajkovski, si dhe nga udhëheqësit e katër partive më të mëdha politike – Ljubço Georgievski (OBRM-PDUKM), Branko Crvenkovski (LSDM), Arbën Xhaferi (PDSH) dhe Imer Imeri (PPD) dhe ndërmjetësuesit euro-amerikanë, Francois Leotard dhe James Perdew. Kjo marrëveshje kornizë ndër të tjerash u nënshkrua me qëllim të promovimit të zhvillimit të qetë dhe harmonik të shoqërisë qytetare,…
Në territorin e vendit deri në orën 07:30 të mëngjesit janë regjistruar gjithsej 51 zjarre në hapësirë të hapur, nga të cilat pesë janë aktive, katër janë nën kontroll, ndërsa 42 janë shuar, njoftoi Qendra për Menaxhim me Kriza (QMK). Sipas informacioneve të QMK-së, zjarret janë aktive mbi fshatin Moranë, në zonën midis Vrtekicës dhe Gaberit në Komunën e Studeniçanit, ku është prekur një pyll i përzier, pranë fshatit Baldovc i Vjetër në Komunën e Bosilovës, ku digjet bimësi e ulët dhe shamak, pranë fshatit Makovë në Komunën e Novacit, pranë fshatit Muzdivnjak në Komunën e Kriva Palankës…
Edhe krahas numrit të shtuar të kërkesave për dokumente personale gjatë periudhës së verës, veçanërisht edhe për shkak të numrit të madh të emigrantëve tanë që qëndrojnë në vend në këtë kohë, procesi i lëshimit të dokumenteve të udhëtimit po ecën pa probleme dhe pa vonesa, informuan nga Ministria e Punëve të Brendshme për MIA-n. Gjatë korrikut janë pranuar rreth 55.000 kërkesa për lëshimin e dokumenteve personale, përfshirë dokumentet e udhëtimit, ndërsa afati për paraqitjen e kërkesës në procedurë të rregullt pranohet brenda një deri në dy ditësh. Qytetarët i marrin dokumentet brenda maksimumi shtatë ditësh, theksojnë nga…
Me rastin e Ditës Ndërkombëtare të Rinisë, grupi rinor i Asociacionit për Edukim dhe Hulumtim Shëndetësor – HERA Rinia, së bashku me Iniciativën „Hidhe zarin!“, përmes një aksioni gueril në Shkup, shpreh revoltën e tyre ndaj, siç thonë, pranisë gjithnjë e më të madhe dhe normalizimit të bixhozit dhe basteve në jetën e përditshme të të rinjve. „Kazino, shtëpi baste, platforma online dhe reklama që premtojnë ‚fitim të shpejtë‘ janë lehtësisht të arritshme në një mjedis ku të rinjtë njëkohësisht përballen me papunësi, pasiguri financiare, shëndet mendor të dëmtuar dhe dëshirë gjithnjë e më të madhe për të lënë shtetin“,…
Besoj se si vend jemi pjekur të kemi kapacitetin për të kapërcyer linjat etnike dhe për të ndërtuar një shoqëri të vërtetë civile që është e fokusuar kryesisht në sfidat e shekullit të 21-të dhe kohës në të cilën jetojmë. Sepse institucionet, sistemi, shteti i përkasin qytetarit mbi të gjitha, theksoi ministri i Punëve të Jashtme dhe Tregtisë së Jashtme, Timço Mucunski në panelin e diskutimit “E ardhmja e Marrëveshjes së Ohrit dhe ndërtimi i paqes së qëndrueshme”, me rastin e 25-vjetorit të Marrëveshjes së Ohrit. Ministri theksoi se debati i sotëm nuk ka për qëllim të kthehet në vitin…
