Që nga e hëna, 55 autobusë të transportuesve privatë do të rikthehen në linjat e transportit publik në Shkup — një marrëveshje që rezultoi nga bisedimet mes autoriteteve të reja të qytetit dhe kompanive private të transportit. Deri në fund të vitit pritet të aktivizohen edhe 20 autobusë të tjerë, ndërsa përmes Qeverisë planifikohet blerja e 80 automjeteve të reja për Ndërmarrjen Publike “JSP – Shkup” deri në mars 2026. Përfaqësuesit e transportuesve privatë theksuan se qyteti u detyrohet rreth 180 milionë denarë dhe se presin hapa konkretë për zgjidhjen e borxhit. Së bashku me drejtuesit e rinj të “JSP”-së,…
Author: Hamdi Kumanova
Kryetari i Komunës së Çashkës, Suat Shaqiri, në emisionin “Debat në SHENJA” deklaroi se Bashkimi Demokratik për Integrim nuk mund të konsiderohet humbës në zgjedhjet e fundit, duke theksuar se partia mbetet një forcë e rëndësishme politike në vend. “Unë jam anëtar i Bashkimit Demokratik për Integrim. Vij nga dega apo anëtarësia e komunës së Çashkës. Unë i rritur dhe vazhdoj të veproj të jem nën ombrellën e Bashkimit Demokratik për Integrim dhe pas liderit tonë Ali Ahmetit. Sa i përket çështjeve të reformave, sigurisht nga mediumet nga pjesa e strukturës është oficialisht e caktuar se do të ketë kongres…
Në mbledhjen e 21-të të Akademisë së Shkencave dhe Arteve të Maqedonisë (ASHAM), e cila u mbajt sot, janë zgjedhur dy anëtarë të rregullt, tetë anëtarë korrespondentë, katër anëtarë jashtë përbërjes punuese dhe dy anëtarë nderi. ASHAM njoftoi se për anëtarë të rregullt janë zgjedhur anëtarët korrespondentë Izet Zeqiri dhe Blazho Boev. Për anëtarë korrespondentë janë zgjedhur: prof. dr. Gordana Lazhetiq në Departamentin e Shkencave Shoqërore, prof. dr. Mirko Todorovski dhe prof. dr. Dimitar Trajanov në Departamentin e Shkencave Teknike, prof. dr. Aleksandar Uzunov në Departamentin e Shkencave Natyrore, Matematikës dhe Bioteknike, si dhe prof. Zharko Basheski, prof. Nevzat Bejtuli,…
Një shtetas grek, pronar i një qeni të racës pit bull, një shtetas kosovar, pronar i një qeni të racës american stafford, si dhe dy shtetas maqedonas si bashkëorganizatorë, do të përballen me akuza për veprën penale “vrasje dhe torturë ndaj kafshëve”, sipas nenit 233 paragrafi 3 në lidhje me paragrafin 1 të Kodit Penal. Prokuroria Themelore Publike në Manastir ka mbledhur të gjitha provat e nevojshme dhe ka ngritur aktakuzë, pasi më 1 nëntor, në fshatin Crneec, afër Strezhevës, të dyshuarit — për përfitime materiale — kishin keqpërdorur mizorisht dhe kishin ekspozuar ndaj vuajtjeve të panevojshme qentë e tyre…
Sot mbushet një vit nga ndarja nga jeta e veprimtarit dhe politikanit të njohur nga Struga, Tahir Hani Pas një sëmundjeje, ai ndërroi jetë më 8 nëntor të vitit të kaluar. Shumë miq dhe bashkëpunëtorë ate e kujtojnë si njeri të urtë, të përkushtuar dhe me vlera të larta njerëzore e kombëtare. Hani për dekada të tëra ishte i pranishëm në jetën publike dhe politike të vendit, duke lënë gjurmë në procese të rëndësishme për shqiptarët në Maqedoninë e Veriut. Ai njihej si një personalitet i vendosur dhe konsekuent në qëndrimet e tij, me kontribut të çmuar në zhvillimin lokal…
Siç pritej, aksionarët e Teslës bënë një gjë vërtet të paprecedentë, duke miratuar një paketë page për Elon Musk që, gjatë dekadës së ardhshme, mund ta shndërrojë CEO-n në trilionerin e parë në botë. Së pari, disa paralajmërime të rëndësishme: Tesla dhe Musk duhet të arrijnë disa objektiva, duke përfshirë rritjen e kapitalizimit të tregut, i cili është tashmë i lartë, me 466%. A është e mundur? Sigurisht. E mundshme? Varet se kë pyet. Por, meqenëse nuk ka zero shanse që Musk ta arrijë këtë, ia vlen të shqyrtojmë se për çfarë flasim kur flasim për një “trilion”.…
Bashkimi Evropian përshëndeti nënshkrimin e Marrëveshjes për përgatitjen, ndërtimin dhe funksionimin e tunelit hekurudhor ndërkufitar të Korridorit 8 midis Maqedonisë dhe Bullgarisë. Presidenti i Këshillit Evropian, Antonio Costa, në një deklaratë për rrjetin “X”, e vlerësoi marrëveshjen si një hap të madh përpara në bashkëpunimin dypalësh dhe zhvillimin e marrëdhënieve të fqinjësisë së mirë. “Përshëndes nënshkrimin e marrëveshjes për tunelin ndërkufitar të Korridorit 8 midis Bullgarisë dhe Maqedonisë së Veriut, një hap i madh përpara në bashkëpunimin midis dy vendeve dhe promovimin e marrëdhënieve të fqinjësisë së mirë. Përveç zhvillimit të lidhjeve dypalëshe, hekurudha e re do të…
Nga Drejtoria e Doganave në Maqedoninë e Veriut njoftojnë se doganierët dhe ekipet mobile të doganës mes tjerash kanë konfiskuar në disa raste të ndryshme 92 gramë pllaka dhe monedha ari, pajisje “Apple”, 37.500 euro, cigare, parfume dhe rroba fëmijësh me marka të mbrojtura tregtare. “Pllaka ari me peshë 53 gramë dhe 11 monedha ari me peshë 39 gramë u gjetën gjatë kontrollit të bagazhit të një shtetasi turk, në dalje nga shteti, në pikën kufitare të Aeroportit Ndërkombëtar të Shkupit. Vlera e vlerësuar e arit arrin 538 mijë denarë. Në një rast tjetër, doganierët nga Aeroporti…
Një traktorist humbi jetën sot në një aksident në rajonin e Kavadarit, konfirmoi Antoan Parakeov, kreu i Shërbimit të Urgjencës Mjekësore në Kavadar. Aksidenti ndodhi në rrugën që lidh Kavadarin me fshatin Drenovë. “Ekipi ynë mjekësor shkoi në vendngjarje menjëherë pasi u raportua aksidenti. Por, për fat të keq, ata mundën të konfirmonin vetëm vdekjen e një personi mashkull nga fshati, i lindur në vitin 1971.Personi vdiq menjëherë pasi traktori që po drejtonte u përmbys”, tha Parakeov.
Nën drejtimin e Prokurorisë për Ndjekjen e Krimit të Organizuar dhe Korrupsionit, në orët e pasdites së djeshme u zhvillua një aksion ku u arrestuan pesë persona, përcjell TV21. Sipas Prokurorisë, menaxheri i një kompanie private i ka premtuar ryshfet prej 50 mijë eurosh drejtorit të Agjencisë për Mbështetje Bujqësore dhe Zhvillim Rural, në këmbim të nënshkrimit të një marrëveshjeje për fonde nga programi IPARD, ndonëse kompania nuk i plotësonte kushtet. Në skemë janë përfshirë edhe tre ndërmjetës, mes tyre një punonjës i Administratës Tatimore dhe një zyrtar i Ministrisë së Bujqësisë, të cilët kanë ushtruar ndikim të paligjshëm…
Po mbaron koha kur Shkupi ishte qytet i deponisë. “Pastrimi i përgjithshëm” nuk do të zgjasë vetëm 72 orë, por do të vazhdojë vazhdimisht, çdo ditë, tha sot kryetari i Qytetit të Shkupit, Orce Gjorgjievski. Në fjalimin e tij në seancën e parë konstituive të Këshillit të Qytetit të Shkupit, Gjorgjievski theksoi gjithashtu se fushata e pastrimit që filloi mbrëmë nuk është marketing. “Prej mbrëmë, ju jeni dëshmitarë se që nga dita e parë pas marrjes së detyrës si kryetar i qytetit, kemi filluar një “pastrim të përgjithshëm” për kryeqytetin tonë. Dhe nuk do të jetë vetëm një…
Kryeministri Hritijan Mickoski tha se pret që gjatë javës tjetër të ulet me partnerët e koalicionit dhe të caktojë emrat e personave që do të ushtrojnë detyrën e kryetarit të komunës në katër komuna, respektivisht në Gostivar, Vrapçisht, Qendër Zhupë dhe Mavrovë dhe Rostushë, pas zgjedhjeve të pasuksesshme. Mickoski tha se pas njoftimit nga Komisioni Shtetëror Zgjedhor (KSHZ) për mbarim të zgjedhjeve, qeveria ka afat 15 ditë që të caktojë ushtrues detyre në komunat ku nuk kishte census dhe ku dështuan zgjedhjet. “Fillimisht duhet zyrtarisht KSHZ t’i përfundojë zgjedhjet, ta informojë qeverinë. Kjo pres të ndodhë javën tjetër. Dhe më…
