Alper Aktas është emëruar ambasador i ri në Ambasadën e Turqisë në Shkup, raporton agjencia shtetërore e lajmeve Anadolu. Sipas informacionit nga burime diplomatike, ministri i Jashtëm i Turqisë, Hakan Fidan u ka komunikuar detyrat e reja diplomatëve që do të shërbejnë në përfaqësitë e jashtme të Turqisë dhe që do të kryejnë detyrën e ambasadorit. Në këtë kuadër, në Ambasadën në Shkup është emëruar Alper Aktas, i cili deri tani ishte ambasadori i Turqisë në Mogadishu. Ambasadori aktual Fatih Ulusoy ishte në këtë detyrë që nga viti 2024.
Author: Hamdi Kumanova
Një 20-vjeçar nga Kosova ka kërkuar ndihmë mjekësore në Spitalin Klinik të Tetovës, pasi pretendon se është sulmuar fizikisht nga një bashkëqytetar i tij. Sipas denoncimit të raportuar nga Tetovasot, incidenti ka ndodhur më 7 qershor në një banesë në Tetovë, pas një debati dhe mosmarrëveshjeje të mëparshme me A.B. (24), gjithashtu nga Kosova. Policia po heton rrethanat e ngjarjes.TS
Zgjerimi nuk është më vetëm një proces teknik i anëtarësimit. Ai është një investim strategjik në sigurinë, stabilitetin dhe konkurrueshmërinë e Evropës. Një Evropë e sigurt dhe prosperues nuk mund të jetë e plotë pa integrimin e plotë të Ballkanit Perëndimor, deklaroi shefi i diplomacisë së Maqedonisë së Veriut, Timço Mucunski, në fjalimin e tij në takimin e ministrave të jashtëm të Procesit të bashkëpunim të Evropës Juglindore (SEECP), i cili u mbajt sot në Sofje në kuadër të kryesimit bullgar të kësaj nisme më të vjetër dhe më të rëndësishme politike për bashkëpunim rajonal në Evropën Juglindore. Duke…
Kryetari i Gjykatës Kushtetuese të Republikës së Maqedonisë së Veriut, Darko Kostadinovski, reagoi ndaj njoftimit të partisë politike “Të Majtës”, duke theksuar se nuk do të komentojë qëndrimet politike, por ndihet i detyruar të përgjigjet ndaj, siç tha, skualifikimeve personale dhe fyerjeve të drejtuara ndaj tij. Si Kryetar i Gjykatës Kushtetuese, mbetem konsistent me qëndrimin tim parimor për të mos komentuar pikëpamjet politike të askujt të shprehura publikisht. Megjithatë, këtë herë, meqenëse bëhet fjalë për skualifikime personale, fyerje, ndihem i detyruar të deklaroj se për fat të keq, një mentalitet politik primitiv ende ekziston në skenën politike e vendit.…
Transformimi digjital është parakusht kyç për konkurrencën ekonomike, sigurinë kombëtare dhe qëndrueshmërinë institucionale, ka thënë ministri i Transformimit Digjital, Stefan Andonovski në hapjen e konferencës “Përshpejtimi i transformimit digjital të Ballkanit Perëndimor” e cila po mbahet në Shkup nën organizim të Ambasadës së SHBA-së në emër të Byrosë së hapësirës kibernetike dhe politikës digjitale (CDP) pranë Departamentit të shtetit. Andonovski ka thënë se transformimi digjital nuk është më vetëm çështje modernizimi, por është thelbësor për zhvillimin e shoqërive dhe ekonomive. “Transformimi digjital nuk është më vetëm çështje modernizimi. Është çështje e konkurrencës ekonomike, sigurisë kombëtare, qëndrueshmërisë institucionale dhe…
Aleanca për Shqiptarët shpreh shqetësim të thellë për inaugurimin e një institucioni publik me tabelë zyrtare vetëm në gjuhën maqedonase, siç shihet në videon e publikuar sot. “Ky nuk është gabim teknik. Është shkelje e hapur e ligjit, përjashtim i gjuhës shqipe nga hapësira publike dhe fyerje ndaj qytetarëve shqiptarë. Për këtë skandal, ministri Azir Aliu mban përgjegjësi të drejtpërdrejtë politike dhe institucionale. Si përfaqësues i Qeverisë, detyra e tij nuk është të heshtë dhe të duartrokasë projekte që shkelin standardet ligjore të dygjuhësisë, por të sigurojë zbatimin e ligjit në çdo institucion publik që lidhet me dikasterin që ai…
Tajvani mund të duket i largët për shumicën e evropianëve, por një marrje në kontroll e ishullit nga kinezët do të dërgonte valë tronditëse nga Uashingtoni në Tokio, tha zëvendësministri i jashtëm i Tajvanit, François Chih-chung Wu. “Nëse Kina sulmon Tajvanin, Franca, Evropa, Shtetet e Bashkuara dhe Japonia do të preken të gjitha. Tajvani do të jetë në një situatë të tmerrshme, por edhe ju do të jeni”, paralajmëroi ai. Zëvendësministri kundërshtoi pretendimin e Kinës mbi Tajvanin si pjesë të territorit të saj që nga fundi i luftës civile kineze në vitin 1949. Pekini nuk e ka përjashtuar kurrë përdorimin…
Më 09.06.2026 në orën 00:03 në DPB Strugë, V.S. ka raportuar se bashkëshortja e tij N.S. (41) i ka lënë fëmijët e tyre të mitur duke fjetur në automjetin e saj ndërsa ajo ka shkuar në punë. Me autorizim nga prokurori publik, oficerët e policisë morën masa dhe i gjetën fëmijët duke fjetur në automjetin e parkuar në një parking nëntokësor në rrugën Vllado Maleski. Fëmijët iu dorëzuan babait të tyre V.S. Po merren masa për sqarimin e rastit dhe pasi të dokumentohen plotësisht, kundër autorëve do të ngrihen akuza përkatëse.
Të paktën 13 persona, përfshirë 11 fëmijë, u vranë në sulmet ajrore që i atribuohen forcës ajrore pakistaneze në zonat e Afganistanit lindor pranë kufirit midis dy vendeve, sipas autoriteteve dhe qeverisë de facto të talebanëve. Kabuli akuzoi Islamabadin për një tjetër shkelje të hapësirës ajrore afgane, në një kohë tensionesh të larta në marrëdhëniet midis dy shteteve fqinje. Zabihullah Mujahid, një zëdhënës i qeverisë de facto të talebanëve, tha në një postim në platformën X se bombardimet ndodhën të martën në mbrëmje në provincat Kunar, Khost dhe Paktika. “Mbrëmë, ushtria pakistaneze shkeli përsëri hapësirën ajrore afgane dhe bombardoi shtëpitë…
Sot përfundon mësimi për nxënësit e shkollave fillore dhe të mesme në vitin shkollor 2025/2026, me çka ata shkojnë në pushim veror i cili do të zgjasë deri më 31 gusht. Maturantët e kanë përfunduar mësimin që më 15 maj dhe tashmë i presin obligimet lidhur me maturën shtetërore. Nesër, më 11 qershor, maturantët që janë paraqitur për maturën shtetërore do t’i nënshtrohen provimit të obligueshëm ekstern të gjuhës amtare (maqedonase, shqipe, turke ose serbe), ndërsa kandidatët për maturë shtetërore profesionale dhe maturë shtetërore artistike do të japin provim më 12 qershor. Lëndën e parë zgjedhore eksterne ata e dhanë…
Përballja sportive midis Hungarisë dhe Kazakistanit në Debrecen për pak sa nuk u shndërrua në një tragjedi të rëndë, kur një incident i papritur rrezikoi seriozisht jetën e lojtarëve dhe tifozëve në stadium. Loja u ndërpre menjëherë pas sinjaleve të para të alarmit, teksa paniku nisi të përhpej me shpejtësi në shkallët e arenës. Megjithatë, falë reagimit të rrufeshëm të ekipeve të emergjencës, profesionalizmit të zyrtarëve dhe solidaritetit të jashtëzakonshëm të treguar nga të dyja skuadrat, situata u vu nën kontroll në kohë rekord. Ky koordinim perfekt në sekondat kritike shmangu një katastrofë që mund të kishte marrë përmasa fatale,…
Shqiptarët në Holandë organizuan një tubim në Hagë, ku përmes këngëve dhe thirrjeve patriotike shprehën mbështetjen e tyre për protestuesit në Shqipëri dhe kërkuan dorëheqjen e kryeministrit Edi Rama. Protesta të ngjashme janë zhvilluar edhe në vende të tjera ku jetojnë komunitete shqiptare, duke reflektuar solidaritetin e diasporës me zhvillimet politike në vend. Protestuesit kërkojnë ndryshime në skenën politike, luftë më të fortë kundër korrupsionit dhe krijimin e një qeverie teknike. Ndërkohë, për sot është paralajmëruar një tjetër protestë kombëtare në Shqipëri, e cila shënon ditën e 11-të të mobilizimit qytetar.
