Pas reagimit të diplomuarve nga Al-Azhar ndaj të ashtuquajturit “imam shqiptar” të vetshpallur, universiteti i njohur islamik dhe një nga autoritetet më të larta myslimane botërore reagoi edhe ndaj vizitës së “imamëve evropianë” në territoret e pushtuara palestineze, të udhëhequr nga Hassan Shallgumi.
Al-Azhar shpreh indinjatën e thellë dhe dënon ashpër takimin e tyre me përfaqësues të regjimit sionist, duke e cilësuar si një akt që shpërfill vuajtjet e popullit palestinez, që po përballet me gjenocid dhe agresion të përgjakshëm për mbi 20 muaj.
Në deklaratë thuhet se këta individë nuk përfaqësojnë Islamin, as muslimanët, dhe as mesazhin fisnik të fesë, por janë një kategori e devijuar që ka braktisur çdo vlerë fetare e morale. Al-Azhar paralajmëron muslimanët kudo që të mos mashtrohen nga këta hipokritë që ushqehen në sofrat e turpit dhe poshtërimit.
