Kryetari i komunës së Tetovës, Bilall Kasami, ka njoftuar se sot janë ndarë vendimet për 14 profesorë. Sipas Kasamit, ky veprim paraqet një hap të rëndësishëm për arsimin dhe të ardhmen e vendit tonë.
“Me ndarjen e 14 vendimeve pune për profesorët e shkollave të mesme, po dëshmojmë se investimi në arsim është investimi më i sigurt për një shoqëri më të drejtë dhe më të zhvilluar.
Mësimdhënësit tanë janë shtyllat e edukimit dhe të përparimit. Ata janë frymëzimi i fëmijëve tanë dhe garancia që shoqëria jonë do të vazhdojë të ecë përpara me dije dhe vlera.
Tetova ka nevojë për arsim cilësor dhe për njerëz që e vendosin dijen mbi gjithçka tjetër. Ne jemi të përkushtuar që ta bëjmë arsimin prioritet kombëtar dhe lokal. Për një Tetovë që e ndërton të ardhmen me dije dhe për një popull që i hap dyert zhvillimit!
Arsimimi është detyrë dhe e drejtë. Së bashku, do ta bëjmë këtë të drejtë një realitet për çdo qytetar”, ka shkruar Kasami.
Data 09.07.2025
Aktuale
- Mbappe humbi 6 kilogramë, mësohet se me çka u helmua!
- Konkurroi në garë, Përparim Dema rizgjidhet si shef i Komisariatit të Policisë së Rinasit
- Italiani e rreh gruan e tij nga Tetova, arrestohet nga policia në Spitalin Klinik
- Arrestohen dy kontrabandistë migrantësh
- Kovaçev: Maqedonia e Veriut e portretizon Bullgarinë si armike
- Vlenizmi i Hiseve të Kazinove (Pjesa VIII) Aleanca për Shqiptarët: Kazino përballë shkollave – ligj që nuk i mbron fëmijët
- I kërkuar ndërkombëtarisht për pjesëmarrje në organizatë kriminale dhe trafik droge, arrestohet në Tiranë 46-vjeçari
- Weitz: Duhet të luftojmë ndikimin serb në Maqedoninë e Veriut