Nga ora 22:00 të datës 22.03.2021 deri në ora 05:00 të ditës së sotme është konstatuar se 13 persona nuk e kanë respektuar orën policore. Ndërkohë gjatë 24 orëve të fundit MPB-ja ka regjistruar edhe 365 shkelje të masës për mbajtjen e maskës mbrojtëse si preventiv për parandalimin e përhapjes së koronavirusit.
Nga Ministria e Brendshme në vazhdimësi apelojnë deri tek të gjithë qytetarët që të respektojnë masat dhe protokollet e miratuara nga Qeveria e që kanë për qëllim ballafaqimin me Kovid-19.
