Ambasadori i BE-së në Shkup, Samuel Zhbogar bën thirrje që Kuvendi të miratojë ligjin e prokurorisë publike, para shpërbërjes së Kuvendit.
Ai numëroi këtë ligj, kodin zgjedhorë dhe sjelljen e rregullores së re të Kuvend si tre gjërat e rëndësishme që siç theksoi ai, duhet të lëvizin, gjegjësisht të përfundojnë gjatë kësaj përbërjeje parlamentare.
Samuel Zhbogar, Ambasador i BE-së në Shkup
“Shpresojmë se Kuvendi do të mund t’i miratojë ligjet në javët vijuese, para se të shpërbëhet Kuvendi, në fillim të muajit shkurt. Do të përmend 3 nga ato çështje të cilat do të jenë mirë të lëvizin, njëri është ligji i prokurorisë publike, i dyti është kodi zgjedhor dhe i treti për të cilin poashtu shpresojmë është arritja e anëtarëve të parlamentit evropian javën e ardhshme, gjegjësisht dialogu Zhan Mone, të cilat do të kontribuojnë në adoptimin e rregullores së re të Kuvendit, gjegjësisht sjelljen e rregullores.”
Një ndër shtyllat që sipas Zhbogarit qëndron ardhmëria e vendit është bashkëpunimi mes pushtetit dhe opozitës. Sipas tij, në këtë fushë Kuvendi i Maqedonisë së Veriut ishte shembull në rajon në disa vitet e fundit. “Shtylla e tretë ku qëndron ardhmëria juaj, është të punojmë se bashku si pushtet dhe opozitë, mendoj se Kuvendi ishte shembull në rajon në disa vitet e fundit, tregoi se të gjitha partitë politike mund të punojnë për reformat e rëndësishme që janë të rëndësishme për vendin. Shpresojmë se do ta shohim edhe në pjesën tjetër të kohës deri në shpërbërje, do të keni më shumë shanse për suksese.”
