Zaev: Marrëveshja në interes të dy vendeve

Kryeministri Zoran Zaev pas nënshkrimit të Marrëveshjes për fqinjësi të mirë me Bullgarinë, tha se marrëveshja mes Maqedonisë dhe Bullgarisë është e një interesi të përbashkët i të dy vendeve, raporton SHENJA.
“Jemi përcaktuar që të udhëheqim politika që ofrojnë zgjidhje dhe jo probleme. Tek Bullgaria vërejtëm partner konstruktiv për të arritur këtë qëllim. Kjo miqësi e jona është shembull se si një çështje që ka frenuar për vite, shndërrohet në motor lëvizës. Ky bashkëpunim do të ndihmoj në avancimin e infrastrukturës rrugore dhe gazifikues të dy vendeve. Dërgimi i mesazheve për fqinjësi është çështje e pjekurisë dhe për këtë shkak kjo marrëveshje është mesazh për BE-në dhe NATO-në se vendet kanë udhëheqësi politike që ndërtojnë ura. Bullgaria nga sot është mik edhe më i madh dhe aleat drejt perspektivave euroatlantike”, ka deklaruar Zoran Zaev.