Ministrja e mbrojtjes Sllavjanka Petrovska thotë se Ministria e mbrojtjes nuk e përjashton mundësinë, në përputhje me vlerësimet e bëra dhe në bashkëpunim me Ministrinë e shëndetësisë, të shfrytëzohen kapacitetet në dispozicion për mjekimin e ushtarëve nga Ukraina. Petrovska thotë se në kuadër të Ministrisë së mbrojtjes ka kapacitete që mund të vihen në dispozicion dhe në këtë iniciativë do të përfshihen më shumë institucione. Duke komentuar deklaratën e fundit të presidentit francez Emanuel Macron, Petrovska përsëriti se vendi mbështet Ukrainën dhe luftën e saj, por nuk do të dërgojë trupa në tokën ukrainase.
