Sulejman Osmani i “Kumanovës”, burg të përjetshëm, ja deklarata e tij pas vendimit

Gjykata Penale e Shkupit i shqiptoi të akuzuarit për rastin Lagja e Trimave Sulejman Osmani dënim me burg të përjetshëm, raporton SHENJA.
Sipas asaj që e tha gjykatësi Goran Boshevski është e pakontestueshme se Osmani ka marrë pjesë në të gjitha aktivitetet e grupit të Kumanovës, prej Kullës policore në Gushincë, e deri në luftimet në lagje, raporton SHENJA.
Boshevski, rikujtoi Sulejman osmani, i ka pranuar të gjitha veprat e shkruara në akuzë, por ka mohuar vetëm kualifikimin si vepër terroriste.
Boshevski tha se tani për tani publiku nuk mund ta ketë të qartë përse Sulejman osmani është dënuar me burg të përjetshëm pasi që ende nuk është shkruar verdikti gjyqësor në mënyrë formale pasi aty qëndrojnë transkriptet nga bisedat e përgjuara telefonike të cilat mbështesin plotësisht akuzat ose pohimet për fajësinë e tij.
Sulejman Osmani e priti me duartrokitje vendimin dhe thirri: Rrnoft UÇK-ja. Ju nuk um keni dënu mu, po me këtë vendim i keni dënu 7 milionë shqiptarë”. /SHENJA/