Shpëtim POLLOZHANI
Në të gjithë botën shtetet e kanë mafjen e vetë. Në Maqedoni mafja e ka shtetin e vetë.Si shpesh herë edhe kësaj radhe, Struga është në fokus të opinionit. Mos haroni se në Enciklopedinë e ish Armatës jugosllave, Struga ishte një ndër tetë pikat geostrategjike dhe politike të shtetit. Struga e ka Qafën e Thanës dhe nbi 40 kilometra zonë kufitare me Shqipërinë, të cilin e ruajnë disa qindra bashkëpunëtorë të shërbimeve sekret të ushtrisë (3) dhe të policisë (5).
Në Strugë kanë ndodhur edhe tre vrasje të maqedonasve në vitet e nëntëdhjeta. Për asnjërën vrasje nuk është burgosur askush. Kanë ndodhur edhe mbi djetë vrasje të hallexhinjve shiptarë, shtetas të Shqipërisë. Askush nuk është dënuar për ato vrasje. As edhe shteti shqiptar nuk e luajti as edhe gishtin e vogël.
Në Strugë veprojnë mbi tridhjetë fajdexhinj. Pushteti i njeh të gjithë por nuk i ngacmon. Në Strugë qarkullon drogë dhe lloj lloj narkotikësh të tjerë. Pushteti nuk reagon, edhe pse për çështje të fajdeve dhe të drogës pa pasur edhe disa vrasje, pushteti përsëri nuk reagon.
U zaptuan të gjithë plazhet e qytetit, pushteti përsëri nuk reagon. Në Strugë ka shtypshkronja për shtypjen e numrave të falsifikuar të veturave, pushteti përsëri nuk reagon. Në Strugë ka shumë grindje individualle dhe familjare, pushteti përsëri nuk reagon. Edhe rasti i i tre vrasjeve të Vitit të Zi 2015, e ka gjenezën, dialektikën dhe epilogon e vetë. Sikur pushteti të kishte marë masa me kohë, tre djem të ri akoma do të ishin të gjallë. Eshtë evidente se pushtetit qëndror e stimulon dhe i konvenon kjo gjendje anarkiste në Strugë. I konvenon, pasi në atë mënyrë më së miri e kontrollon krimin dhe politikën, të cilët janë si binjakët sijamezë.Vetë inspektorët e sigurimit publik deklarojnë se funksionarë politikë nga Struga kanë dosje, e cila mbërin një metër kub material. Kanë dosje për vepra penale, të cilat gjykatat nuk i aktivizojnë pasi, këto persona janë të mbrojtur nga politika. Kur një vepër penale nuk aktivizohet duke e hedhur në gjyq, kjo është evidente se cilin e mbron ai gjyq. Në Strugë ndodh kjo që ndodh për arsye se mbi 80% të votave i kanë në dorë shërbimet sekret nëpërmjet të mafiozëve të vetë, të cilët i orientojnë votat. Duke e ditur se tek ne akoma sundon mentaliteti fisnor dhe lokalist, atëherë rezultati del në mënyrë shumë të lehtë.
Nuk është e rastit që të gjitha veprat kriminale në Strugë ndodhin përpara sezonit turistik ose përpara festave. Kjo bëhet me qëllim që mysafirët ose pushuesit e rastit të orientohen në Ohër. Rezultatet janë evident. Në këtë moment janë disa qinda turistë nga Shqipëria që pushojnë në Ohër. Stacioni policor i Strugës nuk mundet të hapë gojën pa marë leje nga Ohri. Ohri ka statusin e Sektorit. Stacioni policor i Strugës ka kompetenca sa një stacion policor i një fshati.
Prenotimet për Vitin e Ri 2016 janë pesëdhjetë me një në dobi të Ohrit. Pushteti lokal është i xhveshur nga të gjitha kompetencat. Nga 28 drejtori, vetëm tre e kanë selinë në Strugë, edhe pse Struga ka në shumë banorë se Ohri, kjo falë regjionalizimit administrativ të Maqedonisë. Vizitorët e Ohrit në krahasim me ata të Strugës janë një me pesëdhjetë. Dirigjent i ngjarjeve tragjike në Strugë janë Shërbimet sekret të dërzhavës. Instrumentet janë shqiptarët. Në Strugë ka edhe tek maqedonasit krim të organizuar. Prej zhvatësve dhe fajdexhinjve maqedonas dridhen edhe vetë maqedonasit. Pushteti përsëri hesht. Mijalkovi, i cili u bë simbol i mafjes në të gjithë vendin, ka pesë konaqe në Strugë. Edhepse takimet gjithnjë i bën në Ohër. Të mos harrojmë se edhe Ratko Mladiç, I dënuar për krime të luftës në ish Jugosllavi kishte disa konaqe në rrethin e Strugës.
Gjatë zgjedhjeve lokale të vitit 2005 në Strugë, kryetari i atëhershëm i LSDM, Vlado Buçkovski pati deklaruar se cilët dy kandidatët shqiptarë nuk mundet ti fitojnë zgjedhjet, duke treguar se cili do të zgjidhet. U tha, u bë.
I gjithë krimi në Strugë , është i kontrolluar dhe i dirigjuar nga pushteti qendror. Kjo vërtetohet ma faktin se të gjithë të dënuarit me burg nga Struga për këto 25 vjetët e fundit, nuk kanë marë më shumë vite burg se dy të dënuar të rastit Monstra.
Struganët le t’ia vënë gishtin kokës kur e hedhin fletën në kutinë e votimit. Krimi nesër mundet të trokasë në derën e çdokujt. Për këta politikanë nuk ka para të pista, ose para të pastra. Për këtë soj sorollopi, sallahana, vagabonta, rriqna e mikroba të këqinj (fjalë nga Gomari i Babatasit nga Gjergj Fishta) ka vetëm para. Mos u bëni para dhe gjak i këtij pushteti dhe politike kriminale. Edhe ti që i lexon këto reshta mundesh të jesh viktima e radhës, qoftë si kalimtar, qoftë si sehirxhi. Të gjithë ne jemi fajtorë për këtë gjendje. Rasti i fundit ishte vetëm një pasojë. Shkaku është pushteti, prandaj shqiptarët nuk duhet të bien në grackat e Shërbimeve Sekret dhe të këtij pushteti katil. Esëllohuni o shqiptarë, esëllohuni!!!!
15 dhjetor i Vitit të Zi 2015
