Sot takim ndërqeveritar Shqipëri -Maqedoni

Qeveria e Shqipërisë dhe ajo e Maqedonisë sot do të zhvillojnë takimin e parë të përbashkët në Pogradec të Shqipërisë.
Takimi do të zhvillohet në hotelin “Hymeti Palace” në orën 14:30, ndërsa sipas protokollit, në orën 16:30, kryeministri Rama dhe homologu i tij Zaev do të mbajnë një konferencë të përbashkët për shtyp.
Në fokus të bisedimeve do të jetë përmirësimi i marrëdhënieve dypalëshe përmes bashkëpunimit të shtuar në fushën e infrastrukturës, ndërtimi i korridorit 8, intensifikimi i shkëmbimit të mallrave dhe shërbimeve si dhe forcimi i bashkëpunimit në fushën e sigurisë.
Në këtë takim gjithashtu do të nënshkruhet disa marrëveshje bashkëpunimi: një memorandum bashkëpunimi midis ministrive të Brendshme, do të miratohet formimi i një Këshilli Ekonomik Dypalësh, si dhe një sërë marrëveshjesh tjera.