Ministri i Drejtësisë, Jeton Shasivari, u takua me ambasadorin e BE-së, Mihalis Rokas, me të cilin diskutoi progresin e reformave në drejtësi dhe prioritetet në procesin e integrimit evropian.
Ambasadori Rokas prezantoi Raportin e Komisionit Evropian për vitin 2026, duke theksuar vlerësimet dhe rekomandimet për sektorin e drejtësisë. Gjatë takimit u përshëndet progresi i evidentuar krahasuar me vitin e kaluar dhe u theksua nevoja për vazhdimin e reformave.
Shasivari falënderoi BE-në për mbështetjen e vazhdueshme, duke riafirmuar përkushtimin për forcimin e sundimit të ligjit, pavarësisë së gjyqësorit dhe efikasitetit të institucioneve, në përputhje me Agjendën Reformuese dhe standardet evropiane.
