Në ditën të lirive dhe të drejtave të njeriut një hulumtim shkencor ka nxjerrë në sipërfaqe se qytetarët në Maqedoni nuk mund ti realizojnë të drejtat dhe liritë e tyre, ndërsa shkelen nga institucionet, në veçanti nga organet e gjyqësorit dhe përmbaruesit.
“Fatkeqësisht më të zemëruar për momentin janë me çështjet e përmbaruesve sepse ka një bashkësi e organizuar mirë për të vjedhur drejtë për së drejti jo borxhin e qytetarit por marrin trefish më shumë. Pra nëse ne kemi 50 euro borxh, aty shtohet avokati përmbaruesi dhe institucionet tjera. Domethënë sistemi i drejtësisë nuk është në funksion të këtyre kontesteve. Afër 79 për qind e qytetarëve nuk janë të kënaqur me përmbarimin e procedurave juridiko gjyqësore pra shumë konteste. Megjithatë potencoj edhe një herë, më të irrituar qytetarët për momentin që janë të ngulfatur është çështja e përmbarimit sepse më tepër është formë piramidale për tu marrë qytetarëve para se sa për të shlyer detyrimet dhe borxhet e tyre”, tha Bashkim Selmani profesor universitar.
Profesor Jusuf Zeneli konsideron se ka dallim midis normës dhe praktikës kur bëhet fjalë për respektimin e lirive dhe të drejtave të njeriut, ndërsa thotë se sistemi i drejtësisë nuk duhet të bëjë dallime etnike.
“Në radhë të parë duhet një vetëdijesim i gjithë sistemit juridik, ashtu që secili bartës i funksionit publik apo nëpunës i administratës shtetërore publike në kuadër të obligimeve të përditshme që i realizon secilin qytetar ta sheh si të barabartë dhe të mos ketë në qasjen primare të tij ndasitë në kuadër të zbatimit të të drejtave të tyre”, theksoi Jusuf Zejneli për Alsat, Profesor në fakultetin Juridik UT.
Zejneli dhe Selmani, kanë realizuar hulumtimin mi respektimin e lirive dhe të drejtave të njeriut në Maqedoni.
Data 07.05.2024
Aktuale
- Aksident në rrugën Tetovë – Shkup, devijohet komunikacioni
- Netanyahu refuzon ofertën për armëpushim në Gaza, thotë se është “shumë larg” nga kërkesat e Izraeli
- Çmimi i bukës për momentin nuk do të ndryshojë, furrat kanë probleme me ikjen e fuqisë punëtore
- Raport anonim për ryshfet nga një parti politike, në Kërçovë
- Bastisje në Ohër për shkak të fotografimit të listës zgjedhore dhe fletëve të votimit
- Me fustanin ngjitur për trupi, Kaderi mahnit me format trupore
- MPB: Qytetarët edhe nesër do të mund të marrin letërnjoftimet e reja
- Pak ditë pas lindjes, Kiara publikon fotografi me vajzën dhe Luizin