Para banorëve të Dollogozhdës kreu i Aleancës për Shqiptarët Ziadin Sela siguroi që koalicionimi me Lëvizjen Besa do të vazhdoj të funksionoj edhe më tej në zgjedhjet e ardhëshme parlamentare, pasi sipas tij vetëm në këtë mënyrë dhe të bashkuar do të mund që ta mposhtin të keqen, duke shtuar më tej se kjo është një garë në mes të mirës dhe të keqes. Është shumë e pa kuptushme për të që aktorët politik që dikur thirreshin në baza kombëtare, po të njejtët tani krenohen që kanë mbështetje nga elektorati maqedonas. Ndër tjera Sela struganëve u premtoi se këtë qytet turistik do ta shndërroj në një qytet botëror.
“Thirrjet në 2009-tën, ‘Struga shqiptare’ që bëheshte nga Ramiz Merko, ju kujtohet? Aliu, Ramizi, qerreshin…Më vjen për të vjellë kur dëgjoj po të njetët aktor politik që tani krenohen dhe thonë do ta fitojmë neve Selën me votat e maqedonasve. Sa turp. Po të njëjtët njerëz, a dinë të skuqen pak? A mbajnë llogari që ka plot djem e vajza të reja, të cilët në 2009-tën kanë rrezikuar. Unë e di kam qenë në komision, pikërisht për të njëjtët aktor”, ka thënë Ziadin Sela, kryetar i Aleancës për Shqiptarët.
