29 Shtator 2018 / 10:46
Të gjithë sektorët e punëve administrative të MPB-së, sot dhe nesër ( 29 dhe 30 tetor 2018), janë në dispozicion të qytetarëve për nxjerrjen e letërnjoftimeve me procedurë të përshpejtuar për t’u dhënë mundësinë atyre të votojnë nesër ne referndum.
Të gjitha kërkesat për lëshimin e letërnjoftimeve (të dëmtuar, të humbur apo të vjedhur) sipas procedurës së zbatuar ligjore, do të miratohen urgjentisht në të gjitha sektorët rajonalë për punë administrative pranë Ministrisë së Punëve të Brendshme edhe atë vetëm nëse parashtruesi nuk posedon dokument udhëtimi biometrik.
Siç kumtoi MPB, kërkesat për letërnjoftime do të pranohen edhe aprovohen menjëherë deri të shtunën (29 shtatorin) në orën 16:30.
Menjëherë pas pranimit të aplikimeve për letërnjoftime, Sektori për informatikë do t’i përpunojë dhe do t’i dorëzojë deri te sektori kompetent për shpërndarje me kohë te sektori për punë administrative.
Në ditën e referendumit (të dielën 30 shtator), Sektori për punë administrative do të punojnë vetëm për lëshimin e letërnjoftimeve në periudhën prej orës 7:00 deri në orën 19:00.
