Komisioni shtetëror për parandalimin e korrupsionit nuk ka marrë ende përgjigje nga Qeveria për rastin e ri për Dragi Rashkovskin pas kontributeve të emisionit “360 gradë” që sekretariati i përgjithshëm i Qeverisë vitin e kaluar kishte krijuar softuer për shkeljet e trafikut që Ministria e Brendshme nuk e din dhe nuk planifikon të përdorë. Kryetarja e Komisionit, Biljana Ivanovska, në intervistë për radio “Evropa e Lirë”, është shprehur se pret që Qeveria ta respektojë afatin ligjor për përgjigjet e kërkuara. Lidhur me rastin tjetër në lidhje me Rashkovskin, Ivanovska tha se marrëveshja me kompaninë italiane “Leonardo” për prokurimin e sistemit të radarëve ka mbetur e njëjtë para se ish sekretari i përgjithshëm i Qeverisë të përfshihej, por shton se e dyshimtë është pagesa në këste për të cilat shteti paguan norma të larta interesi.
