Analisti i mirënjohur, Ramadan Ramadani, në RTMV2 – Televizionin Shtetëror, mes tjerash deklaroi që Bullgaria, si shteti fqinj i parë, ka ofruar ndihmën e saj në Maqedoni, duke kontribuar me donacione të shumta.
“Me këtë rast, duhet të kuptojmë se, edhe pse kemi përjetuar ngjarje të vështira në Koçani, ka pasur edhe të mira që janë nxjerrë nga ato. Një nga ato është që Bullgaria, që dikur konsiderohej armik i betuar dhe që ka kërcënuar identitetin tonë, është shfaqur në një dritë pozitive.
Bullgaria, si shteti fqinj i parë, ka ofruar ndihmën e saj në Maqedoni, duke kontribuar me donacione të shumta. Deputetët nga Bullgaria kanë dërguar ndihma, përfshirë autoambulanca dhe të tjera, duke treguar një solidaritet të paprecedentë. Ky akt solidariteti është diçka që nuk ka ndodhur më parë.
Kjo është një hap pozitiv, dhe për këtë çështje të procesit integrues, që ende nuk po zhvillohet me Bullgarinë, është një lajm i mirë. Pavarësisht se procesi i integrimit po zhvillohet tani përmes propozimit francez-gjerman dhe në bashkëpunim me Bashkimin Europian, besoj se kjo do të sjellë një ndikim pozitiv. Kjo është një mundësi që përfaqësuesit politikë duhet ta artikulojnë dhe ta shfrytëzojnë si një impuls për të përparuar më tej” – tha Ramadani në RTMV2.
