Prej nesër do të shfrytëzohen kartelat elektronike për transportin publik në Shkup

Qyteti i Shkupi ka njoftuar se nga data 1 janar hynë në fuqi Sistemi i Integruar Tarifor i cili vlen për të gjithë transportuesit publik dhe privat.  Sipas këtij sistemi, shfrytëzuesit e transportit publik duhet të pajisen me kartelë elektronike. Në komunikatë më tej thuhet se, me hyrjen në fuqi të këtij ligji, Qyteti i Shkupit ka sjellur vendim për periudhë promotive prej një muaji, me ç’rast me çdo kartelë elektronike të blerë të pa personalizuar vijojnë 5 udhëtime falas.  Prej më 1 janar, qytetarët do të mund të shfrytëzojnë trasportin publik vetëm me kartelë elektronike.