Pjesë të Maqedonisë në fazën “portokalli”, temperatura deri 42 gradë

DPHM kumtoi se vazhdon periudhë e motit kryesisht me diell dhe shumë të nxehtë. Në pjesën më të madhe të Maqedonisë, temperatura do të jetë mbi 35, ndërsa në disa vende përgjatë Vardarit do të tejkalojë edhe 40 gradë.
Sidomos ngrohtë do të jetë nesër kur temperatura maksimale në rajonet më të ngrohta do të arrijë deri 42 gradë, ndërsa UV indeksi vlerën 9.
Sipas temperaturave të parashikuara, sot rajoni i Maqedonisë do të jetë në fazën e verdhë, ndërsa nesër rajoni i Vardarit verior dhe i Ohrit-Prespës në fazën portokalli.