Pesë kënde lojërash për fëmijë në Qendër të adaptuara për fëmijët me nevoja të posaçme

Pesë rrëshqitëse të reja të adaptuara, kolovajzë dhe rekuizita për stërvitje do të vendosen në pesë kënde lojërash ekzistuese për fëmijë në territorin e Komunës Qendër. Adaptimi nënkupton formimin e hapësirës me rekuizita të cilat do të ishin të qasshme edhe për fëmijët me invaliditet, që do t’u mundësojë sigurt të luajnë, të socializohen dhe do t’u mundësojë mjedis stimulues për rritje dhe zhvillim të drejtë. Realizimi i këtij projekti, i cili është në interes të fëmijëve me aftësi të kufizuara, është i Ministrisë së Punës dhe Politikës Sociale në partneritet me Lidhjen kombëtare të personave me invaliditet trupor në Maqedoni “Mobilitet Maqedoni” dhe Komunën Qendër. Ministria i siguroi rekuizitat, ndërsa komuna Qendër hapësirën. Fushat e adaptuara sipas kritereve evropiane do të jenë të qasshme për fëmijët me aftësi të kufizuara. Këndi i këtillë i lojërave tashmë është adaptuar te parku qendror në Kapishtec, ndërsa do të vendosen edhe në fushat e sportit në Murin e Qytetit – Agromekanika, Muri i Qytetit – Avtomakedonia, Muri i Qytetit – Tregu i gjelbër dhe Kapishtec – Zebra, njoftoi komuna Qendër.